13 шілде күні Қазақстанда өтетін маңызды шараларға шолу
АСТАНА
9.00-де Жоғарғы сотта Жақып Асановтың төрағалық етуімен 2018 жылдың алғашқы жартыжылдығындағы сот жұмысын қорытындылауға арналған кеңейтілген отырыс өтеді.
16.00-де Алау» мұз сарайының мәжіліс залында үстел теннисі фестиваліне арналған баспасөз мәслихаты өтеді.
16:20-да Орталық коммуникациялар қызметінде ҚР Денсаулық сақтау министрлігінің халыққа есеп беру қорытындысы бойынша баспасөз мәслихаты өтеді. Спикер: ҚР Денсаулық сақтау министрі Елжан Біртанов.
17.00-де ҚР Ұлттық музейінде БҰҰ Халықтың қоныстануы саласындағы қоры (ЮНФПА), «АНА ҮЙІ» қоғамдық қоры, «ARTиШОК» театры, әнші Қалия және Үкімет пен қоғам өкілдері #ТаңдауҚұқығы кездесуіне жиналады. Кездесу ток-шоу форматында өткізіледі.
19:00-де MULTISPACE Коворкинкте (ASTANA MALL) ҚР Мемлекеттік қызмет істері және сыбайлас жемқорлыққа қарсы іс-қимыл агенттігі төрағасының орынбасары Олжас Бектенов Республикалық жастар ұйымдарының өкілдерімен кездеседі.
АЛМАТЫ
10.00-де Алматы ауданының әкімдігінде Алматы қаласы Қоғамдық Кеңесінің Мәдениет, ішкі және жастар саясаты, спорт және дін мәселелері жөніндегі №5 комиссиясы Алматы қаласының дене шынықтыру және спорт басқармасы басшысының 2017 жылы және Алматы-2020 бағдарламасының мақсатты индикаторларына қол жеткізу туралы есебін тыңдайды.
11.00-де «Нұр Отан» партиясының хатшысы Тамара Дүйсенова Алматы қаласына келеді. Сапар барысында Оқушылар сарайындағы «Балаларға арналған тегін IT-класстар» партиялық жобасын іске асыру аясында бағдарламалау негіздерін оқытатын IT-сыныпқа барады.
11.00-де Мемлекет басшысы Нұрсұлтан Назарбаевтың бастамасымен құрылған «Нұрлы жер» мемлекеттік тұрғын үй құрылысы бағдарламасы аясында кезекте тұрғандарға жаңа пәтер кілтін тапсыру рәсімі өтеді.
АҚТӨБЕ ОБЛЫСЫ
10:00-де ҚР Премьер-Министрі Бақытжан Сағынтаевтың Ақтөбе облысына жұмыс сапары аясында жобалық басқару сұрақтары бойынша жиналыс өтеді. Жиналыс «Нұр Отан» партиясының АОФ ғимаратында болады.