+7 (701) 759 90 19
USD 385.01 EUR 425.78
RUB 6.05 CNY 54.68
Jańalyqtar

13 маусым. Туған күн иелері

2019 жылғы 13 маусым 08:08
Бөлісіңіз:
13 маусым. Туған күн иелері

НҰР-СҰЛТАН. ҚазАқпарат - Бүгін, яғни 13 маусымда тұлғалардан кімдер дүниеге келген? ҚазАқпарат оқырмандарына есімдер күнтізбесін ұсынады.

ЕСІМДЕР


72 жыл
бұрын (1947) Қазақстан Республикасы Президентінің жанындағы «Рухани жаңғыру» бағдарламасын іске асыру жөніндегі ұлттық комиссияның мүшесі, Қазақстан Республикасының еңбек сіңірген қайраткері, Мемлекеттік сыйлықтың лауреаты, ақын, драматург Нұрлан Мырқасымұлы ОРАЗАЛИН дүниеге келді.

Ол Алматы облысы, Ұйғыр ауданы, Көкбастау ауылында туған. 1965 жылы орта мектепті бітірген соң, Қазақ мемлекеттік университетінің филология факультетіне оқуға түсті.

Еңбек жолын 1970 жылы «Қазақстан пионері» (қазіргі «Ұлан») газетінде әдеби қызметкер болып бастады. 1972-1984 жылдар аралығында республика Мәдениет министрлігінің репертуарлық-редакциялық коллегиясында редактор, аға редактор, бас редактор қызметтерін атқарды. 1984-1986 жылдары Республикалық қуыршақ театрының директоры болды. 1986 жылы Қазақстан театр қайраткерлері одағының бірінші съезінде одақ басқармасының бірінші хатшысы болып сайланып, 1986 жылы өткен СССР Театр қайраткерлері одағының бірінші съезінде басқарма құрамына енді. 1990-1993 жылдары Қазақ ССР Жоғарғы Кеңесінің депутаты болды. 1993-1996 жылдары «Егемен Қазақстан» газетінің бас редакторы қызметін атқарды. 1996 жылдан Қазақстан Жазушылар одағының бірінші хатшысы, басқарма төрағасы болды. 2013-2016 жылдары - ҚР Парламенті Сенатының депутаты.

2017 жылдың сәуірінен «Рухани жаңғыру» бағдарламасын іске асыру жөніндегі ұлттық комиссия мүшесі.

«Құрмет» (2005), «Парасат» (2010) ордендерімен, медальдармен марапатталған. Алматы қаласының құрметті азаматы.


66 жыл
бұрын (1953) жазушы, аудармашы, «Мектеп» баспасының бас директоры Ерлан Әбенұлы САТЫБАЛДИЕВ дүниеге келді.

Алматы қаласында туған. М.Горький атындағы Әдебиет институтының аудармашылар даярлайтын бөлімін аяқтаған.

Республикалық «Жазушы» баспасында редактор, «Жалын» баспасында аударма бөлімінің меңгерушісі, «Инербук» біріккен кәсіпорнының, «Өнер» баспасының директоры, Қазақ теледидары мен радиосы республикалық корпорациясының президенті болып қызмет атқарған. Қазір «Мектеп» баспасының бас директоры. Қазақ жазушыларының шығармалары мен қазақ ауыз әдебиетінің бірқатар туындыларын орыс тіліне аударған.

Қазақстан Республикасының медальдарымен марапатталған.


64 жыл
бұрын (1955) композитор, Қазақстан Республикасы Мемлекеттік сыйлығының лауреаты Балнұр Балғабекқызы ҚЫДЫРБЕК дүниеге келді.

Алматы қаласында туған. К.Байсейітова атындағы республикалық арнаулы музыка мектебін, Құрманғазы атындағы Қазақ ұлттық консерваториясын бітірген.

Алматы мемлекеттік консерваториясында, Қазақстан Композиторлар одағында қызмет істеген. 2007 жылдан бері «Қазақстан композиторлар қауымдастығы» қоғамдық бірлестігінің төрайымы, 2010 жылдан бері Еуразия композиторлар қауымдастығының президенті.

«Қарлығаштың құйрығы неге айыр» атты тұңғыш ұлттық балалар балетінің, «Қалқаман-Мамыр» опера-балетінің, «Наурыз мейрам хикаясы» балетінің, сондай-ақ көптеген симфониялық поэмалар мен увертюралардың, оркестрлік, камералық шығармалардың авторы. Ол - отандық музыка тарихында тұңғыш рет үрмелі аспаптар оркестріне арналған шығармалар жазған композитор.


36 жыл
бұрын (1983) Қазақстан Республикасының ұлттық экономика вице-министрі Жаслан Хасенұлы МӘДИЕВ дүниеге келген.

Ол Алматы қаласында туған. Әл-Фараби атындағы Қазақ ұлттық университетін әлемдік экономика және халықаралық қаржы мамандығымен (2004); Колумбия университеті, Халықаралық қатынастар және мемлекеттік басқару мектебін (Нью-Йорк, АҚШ) экономикалық саясат жөніндегі экономикалық саясат магистрі дәрежесімен (2007); Массачусетс технологиялық институты, Слоун бизнес мектебін іскерлік әкімшілік магистрі дәрежесімен (Бостон/Кембридж, АҚШ) (2016) бітірген.

Еңбек жолы: «Альянс Банк» АҚ-да тағылымгер (2004); «Альянс Банк» АҚ маманы, жетекші маманы, қарыздық капитал нарығы бөлімінің бастығы (2004-2006); «Morgan Stanley» инвестициялық банкінің (Лондон, Ұлыбритания) қызметкері (07.2007-10.2007); «Қазына» Тұрақты даму қоры» АҚ қызметкері, Қазақстан Республикасы Президенті Әкімшілігінде қызмет атқарған (2007-2008); «Самұрық-Қазына» Ұлттық әл-ауқат қоры» АҚ қазынашылық департаментінің директоры (2008-2009); «Kazyna Capital Management» АҚ басқарма төрағасының орынбасары (2009-2010); «Қазақстанның даму банкі» АҚ басқарма төрағасының орынбасары (2010-2014); Қазақстан Республикасы Ұлттық банкі директорының орынбасары (2014-2015); Қазақстан Республикасы Премьер-Министрінің кеңесшісі (08.2016-10.2016); «Қазақстан темір жолы» Ұлттық компаниясы» АҚ басқарма төрағасының қаржы жөніндегі орынбасары (2017-2019).

Қазіргі лауазымын 2019 жылғы сәуір айынан бері атқарып келеді.


26 жыл
бұрын (1993-2018) қазақстандық мәнерлеп сырғанаушы Денис ТЕН дүниеге келді.

Алматы қаласында туған. Денис - Корей империясы кезінде даңқты қолбасшы болған генерал Мин Гынхоның ұрпағы. Мәнерлеп сырғанаудан бөлек, теннис, акробатика, таеквондо, каратэ, жүзумен айналысып, би және сурет салу мектебіне барған. Музыка мектебінде 5-сыныпты тәмамдап, хорға қатысқан. 2002 жылы Денис Тен қатысқан хор ұжымы Пусандағы Хор Олимпиадасында күміс медаль иеленді. Кейіннен мәнерлеп сырғанаумен айналысуға біржола ден қойды. 2003 жылы "Хрустальный конек" турнирінде оны Елена Буянова (Водорезова) байқап, Мәскеуге өзінің қол астында жаттығуға шақырады. Тен ересек спортшылармен жарысып, 2006 жылғы Қазақстан чемпионатын жеңеді. Бірақ, халықаралық деңгейде тек келесі жылдан бастап көріне бастады, оған Халықаралық конькимен сырғанаушылар одағының жас шектеулері (13 жас) себеп болды.

Спорттағы жетістіктері: Ол - 2014 жылы мәнерлеп сырғанаудан Сочи Олимпиадасының қола жүлдегері, 2013 жылғы әлем чемпионатының күміс жүлдегері, VІІ қысқы Азия ойындарының чемпионы, 28-ші қысқы Универсиаданың (Алматы-2017) чемпионы, Қазақстанның үш дүркін чемпионы. Қазақстан Республикасының халықаралық дәрежедегі спорт шебері.

Біздің каналымызға жазылыңыз:

Басты сөздер: Күнтізбе,
Бөлісіңіз:
Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Ербол Жанат
Ербол Жанат
954-059
REDAKTOR
Жанибек Амангелди
Жанибек Амангелди
954-059

MURAǴAT