Қолданушы баптаулары
Қолданушы баптаулары
+7 (701) 759 90 19 Лента
USD 383.43 EUR 429.83
RUB 5.96 CNY 55.39

13 маусым. ҚазАқпарат күнтізбесі

2019 жылғы 13 маусым 07:00
Поделиться:

НҰР-СҰЛТАН. ҚазАқпарат - ҚазАқпарат оқырмандарына 2019 жылғы 13 маусымға арналған күнтізбесін ұсынады.

АТАУЛЫ КҮНДЕР

Халықаралық альбинизм туралы ақпарат тарату күні

БҰҰ Бас Ассамблеясының 2014 жылғы 18 желтоқсандағы A/RES/69/170 қарарымен бекітілген. 2015 жылдан бері жыл сайын тойланады.

Альбинизм - теріге, шашқа, көздің шатырша қабығына түс беріп тұратын  меланин пигментінің тумысынан болмауы арқылы көрініс табатын ауру. Ол адам организмінде мүлде болмауы да мүмкін, тапшы болуы да мүмкін.

ЕСТЕ ҚАЛАР ОҚИҒАЛАР

1924 жылы Орынборда қазақ ғалымдарының 1-съезі басталды. Маусымның 18-не дейін созылған бұл жиында қазақ фольклорын жинау, зерттеу туралы қаулы қабылданды.

1994 жылы Қазақстанның отын-энергетика әлеуетін пайдалану саласындағы мемлекеттік саясатты тиімдірек жүргізу мақсатында ҚР Энергетика және отын ресурстары министрлігі екіге бөлініп, Энергетика және көмір өнеркәсібі министрлігі мен Мұнай және газ өнеркәсібі министрлігі құрылды.

1996 жылы Елбасы Нұрсұлтан Назарбаевтың Жарлығымен энергетик, техника ғылымының докторы, профессор, Қазақ ССР ҒА-ның академигі, Қазақ ССР-інің еңбек сіңірген ғылым қайраткері, Қазақ ССР Мемлекеттік сыйлығының лауреаты Шафық Шөкинге «Халық қаһарманы» атағы берілді.

2011 жылы Қазақстан спортының тарихында алғаш рет Азия теннис федерациясы директорлар кеңесіне Қазақстан теннис федерациясының өкілі, федерацияның вице-президенті Әділ Бөрлібаев кірді.

2011 жылы Алматыда «Ер Төстік» анимациялық фильмдерінің І Қазақстандық фестивалі басталды. Ол Қазақстандағы анимация дамуының проблемаларына назар аударту үшін ұйымдастырылған. Ұйымдастырушысы - Шәкен Айманов атындағы «Қазақфильм» АҚ.

2012 жылы Астанадағы ҚР Ұлттық академиялық кітапханада Михаил Терентьевтің (1837-1909) «История завоевания Средней Азии с картами и планами» атты үш томдық еңбегінің факсимильдік басылымы таныстырылды. Кітап алғаш рет 1906 жылы Санкт-Петербург қаласында жарық көрген. Кітаптың түпнұсқасы ҚР ҰАК сирек кітаптар мен қолжазбалар қорында сақтаулы.

2012 жылы ҚР Ұлттық архивінде Қазақстан Республикасының «ҚР Мемлекеттік рәміздері туралы» Заңының қабылданғанына 20 жыл толуына орай «Рәміздер - тәуелсіздік белгісі» құжаттар көрмесі өткізілді. Көрмеге Қазақстанның егемендік алу тарихынан сыр шертетін 150-ден астам құжат қойылды. Олар ҚР Президенті Әкімшілігінің, ҚР Парламентінің, ҚР Премьер-Министрі Кеңсесінің, «Нұр Отан» партиясының архивтерінен алынды.

2013 жылы ҚР Президенті Нұрсұлтан Назарбаев ресми сапармен Өзбекстан Республикасына барды.  Мемлекет басшысы Өзбекстандағы Қазақстан Елшілігінің жаңа ғимараты мен Ташкенттегі «Абай» ескерткішінің ашылуына қатысты.

Қазақстан мен Өзбекстан арасындағы дипломатиялық қарым-қатынас 1992 жылдың 23 қарашасында орнаған. Екіжақты қарым-қатынас Мәңгілік достық туралы келісім және Экономикалық ынтымақтастықты тереңдету туралы келісім құжаттарына негізделген.  

2013 жылы Алматыдағы ҚР Орталық мемлекеттік музейінде немістің белгілі дизайнері, суретші әрі фотограф Бернд Луцтың KazArtPop көрмесі ашылды. Онда поп-арт стиліндегі 40-тан астам жұмыс көрсетілді. Суреттердің басым көпшілігі Қазақстан тақырыбына арналды.

2014 жылы Швецияның Йёнчёпинг қаласындағы Ист Веттерн Скарп биосфералық қорығы аумағында ЮНЕСКО-ның «Адамзат және биосфера» бағдарламасы аясында Халықаралық үйлестіруші кеңес отырысы өтті. Кеңес барысында Дүниежүзілік биосфералық қорықтар желісіне «Қатонқарағай» мемлекеттік ұлттық табиғи паркі мен «Ақжайық» биосфералық аумағы енгізілді.

2017 жылы Жуалы ауданының Берікқара шатқалындағы «Тау Самалы» туристік кешеніне қарай салынып жатқан жолдың 3-шақырымынан біздің заманымызға дейінгі II ғасырдан - біздің заманымыздың V ғасыры аралығындағы кезеңге тән жерлеу дәстүрлеріне тиесілі таңғажайып материалдар табылды.

2017 жылы қазақстандық әнші Димаш Құдайберген «2017 MTV Global Chinese Music Awards» байқауының «Үздік шетелдік танымал әнші» аталымында жеңімпаз болды.

Димаштың кандидатурасы байқауда «Үздік шетелдік танымал әнші» және «Ең танымал жаңа әнші» аталымдарына ұсынылған болатын. Қазақстандық жас өнерпаз Қытайдың танымал 8 эстрада әншісімен бәсекелескен еді.

2018 жылы Тараздағы ерте ислам кезеңінде салынған ең көне мешіт реставрацияланғаннан кейін Жамбыл өңірінің бірегей туристік нысаны мәртебесін алды.

Ежелгі мешіттің қалдықтарын 2006 жылы Ә. Марғұлан атындағы Археология институтының бір топ маманы тапты. Бұрын несториан храмы болған ғимарат VII ғасырда мешітке айналдырылған. Археологиялық қазба жұмыстары кезінде ерте христиан дінінің несторий бағытына жататын деректер табылды.

Бөлісіңіз:
MURAǴAT