06:11, 13 Қыркүйек 2020 | GMT +6
13 қыркүйек күнгі ауа райы болжамы
НҰР-СҰЛТАН. ҚазАқпарат – 13 қыркүйек күні атмосфералық фронталды бөліктердің өтуіне байланысты Қазақстанның солтүстігінде, солтүстік-батысында және оңтүстігінде найзағай ойнап, жаңбыр жауады. Екпінді жел соғады. Елдің қалған аумағында жауын-шашынсыз ауа райы күтіледі. Республиканың батысы мен шығысында кей жерлерде тұман болжанады, деп хабарлайды ҚазАқпарат.
Атап айтқанда, Алматы, күндіз Қызылорда, Қостанай облыстарының кей жерлерінде найзағай, желдің 15-20 м/с күшеюі күтіледі.
Ақтөбе, күндіз Ақмола облыстарының кей жерлерінде найзағай болжанады.
Түнде және таңертең Батыс Қазақстан, Шығыс Қазақстан облыстарында тұман болады.
Түнде Шығыс Қазақстан облысының кей жерлерінде 1-3 градус үсік күтіледі.
Қызылорда облысының басым бөлігінде, Қарағанды, Түркістан облыстарының кей жерлерінде, Атырау облысының оңтүстігінде, Алматы облысының батысында төтенше өрт қаупі сақталады.