120 жыл бұрын жасалған қарумен адам өлтірмек болған кәсіпкер ұсталды
Ақмола облыстық Полиция департаменті баспасөз қызметінің мәліметінше, биылғы 29 қаңтарда Сандықтау аудандық полиция бөліміне аудандық аурухананың фельдшері хабарласып, Нұр-Сұлтан қаласының 55 жастағы тұрғыны оқ жарақатымен жеткізілгенін айтқан.
«Полиция қызметкерлері қолға алған жедел-іздестіру шаралары барысында күдікті ұсталды. Ол бұрын сотталмаған 58 жастағы жеке кәсіпкер, аудандағы ауылдардың бірінің тұрғыны болып шықты. Күдіктіден 1895 жылғы үлгідегі «Наган» револьвері мен оқ-дәрісі тәркіленді. Қылмысқа қосылып арақ ішкен екеуінің арасында туындаған жанжал себеп болған», - деді ведомстводан.
Полиция департаментінің баспасөз қызметінен атап өткендей, осы оқиғаға байланысты Сандықтау аудандық ПБ тергеу бөлімі Қылмыстық кодекстің 24-бабы 3-бөлігі, 99-бабы 1-бөлігі «адам өлтіруге оқталу», Қылмыстық кодекстің 287-бабы 3-бөлігі «қаруды заңсыз иемдену, беру, өткізу, сақтау, тасымалдау немесе алып жүру» бойынша сотқа дейінгі тергеу шараларын жүргізуде. Күдікті қамауға алынды.