12 өңірде аптап ыстық сақталады
2022 жылғы 26 маусым 05:13

12 өңірде аптап ыстық сақталады

НҰР-СҰЛТАН. ҚазАқпарат – 26 маусым күні атмосфералық фронталды бөліктердің әсерінен Қазақстан аумағының солтүстік бөлігінде және оңтүстік-шығысында құбылмалы күн райы сақталады: күн күркіреп, жаңбыр жауады, бұршақ, дауыл күтіледі. Республиканың барлық аумағында екпінді жел болжанады, деп хабарлайды ҚазАқпарат Қазгидрометке сілтеме жасап.

Күндіз Шығыс Қазақстан, Абай облыстарының оңтүстігінде, Қызылорда, Ұлытау, Қарағанды, Павлодар, Маңғыстау, Атырау, Түркістан, Жетісу, Алматы, Жамбыл облыстарының басым бөлігінде қатты ыстық сақталады. Күндіз Жамбыл облысының солтүстігінде, Түркістан облысының шөлді аумағында, Жетісу, Алматы облыстарының солтүстігі мен шығысында өте қатты ыстық болады.

Қызылорда облысының басым бөлігінде, Абай, Алматы облыстарының батысында, Атырау облысының батысы мен шығысында, Ақтөбе облысының оңтүстігінде, шығысында, Ұлытау ауданының оңтүстік-батысында, Қарағанды, Жамбыл, Батыс Қазақстан облыстарының оңтүстік-шығысында, Павлодар облысының орталығында төтенше өрт қаупі сақталады.


Ұқсас жаңалықтар
Серіктестер жаңалықтары

Jańalyqtar

Үрдіс

MURAǴAT