12 маусым күні елордада өтетін маңызды шаралар аңдатпасы
9.45-те ЭКСПО-дағы «Нұр әлем» сферасында Президенттік жастар кадрлық резервінің форумы өтеді.
10.00-де елорда әкімдігінің бастамасымен Әзірбайжан Мәмбетов көшесінде (Абай даңғылынан Кенесары даңғылына дейін) жаяу серуендеуге ыңғайлы Demalys Promenade көшесі ашылады.
11.00-де Абай даңғылы мен Ә.Сембинов көшесінің қиылысында орналасқан Қаламгерлер аллеясында «Ашық аспан астындағы кітапхана» жобасының ашылуы өтеді. Шараға ақын, әдебиеттанушы, ҚР еңбек сіңірген қайраткері, Халықаралық «Алаш» әдеби сыйлығының иегері, Қазақстан Жазушылар одағы Нұр-Сұлтан қалалық филиалының директоры Дәулеткерей Кәпұлы қатысады.
20.00-де Орталық қалалық саябақтың амфитеатрында «Астана Опера» МОБТ-ның «Жылдың сегіз мезгілі» (А.Вивальди, А. Пьяццолла) концерті өтеді.