Қолданушы баптаулары
Қолданушы баптаулары
+7 (701) 759 90 19 Лента
USD 378.38 EUR 431.05
RUB 6.02 CNY 55.00
Jańalyqtar

10 сериялы «Төле би» телехикаясы көрерменге жол тартады

2019 жылғы 13 маусым 17:27 1158
Бөлісіңіз:
10 сериялы «Төле би» телехикаясы көрерменге жол тартады

НҰР-СҰЛТАН. ҚазАқпарат - Орталық коммуникациялар қызметінде Түркістан облысының құрылғанына 1 жыл толуына арналған баспасөз конференциясы өтті, деп хабарлайды ҚазАқпарат тілшісі.

Ұқсас жаңалықтар
8 жасар Дильназ Нұрсейіт Шанхай кинофестивалінің сыйлығына ие болды Голливудтың бір фильмін дубляждау қанша тұрады

Түркістан облысы әкімінің орынбасары Мәлік Отарбаев Түркістан қаласын түркі тілдес елдердің рухани астанасы ретінде таныту жоспарланғанын айтты.

«Бұл мақсаттағы жұмыстар төрт бағытта жүреді. Оның біріншісі - өңірді зиярат мекені ретінде туристерге таныту. Екінші бағыт - Қожа Ахмет Ясауи кесенесін әлемдік сәулет өнерінің жәдігері ретінде насихаттау. Үшінші бағыт  - Түркістан қаласын Оңтүстіктің сауда орталығына айналдыру. Төртінші бағыт - Түркістанның ұлы есімдерін ұлықтау аясында «ясауитану» ілімін дамыту. Облыстың бір жылдығын атап өту  мақсатында апталық жарияладық. Соның аясында республика көлемінде 46 шара өткізу жоспарланған», - деді Мәлік Отарбаев.

Түркістан облыстық мәдениет және тілдерді дамыту басқармасының басшысы Нұрдәулет Исабектің айтуынша, осы апталық аясында нұр-сұлтандық тұрғындардың назарына бірнеше кинотуындының тұсаукесері ұсынылмақ.

«Облысымыздың бір жылдығына орай Нұр-Сұлтан қаласында «Ордабасы - бірлік туы» анимациялық фильмінің тұсауы кесіледі. 25 минуттық «Оқсыз оқ» фильмі мен «Түркістан» анимациялық туындысы да көрерменге жол тартпақ. Ал 10 сериядан тұратын «Төле би» кинохикаясының қысқартылған нұсқасы фильм ретінде көрсетіледі», - деді басқарма басшысы.

Аталған туындылар 14 маусымнан бастап үлкен экраннан тегін көрсетіле бастайды. Соның ішінде «Төле би» хикаясы «Хабар» арнасынан көрсетілуі мүмкін.

«Төле би» хикаясын түсіру үшін облыс бюджетінен 153 млн теңге бөлінген. Сатыбалды Нарымбетовтың көркемдік жетекшілігімен түсірілген туындыны «Астана күні» қарсаңында «Хабар» арнасынан көрсетуді жоспарлап отырмыз», - деді Нұрдәулет Исабек.

 

 

Біздің каналымызға жазылыңыз:

Бөлісіңіз:

Автор:

Есімжан Нақтыбай

Загрузка...
Пікір қалдыру
+7
Жіберу
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
MURAǴAT