10 өңірде ауа райына байланысты ескерту жарияланды

АСТАНА. ҚазАқпарат – Қазгидромет 29 қарашада бірнеше өңірде ауа райына байланысты ескерту жариялады, деп хабарлайды ҚазАқпарат.

Қостанай облысының солтүстігінде тұман түседі. Солтүстік-шығыстан жел соғады, облыстың оңтүстігінде екпіні 15-20 м/с.

Қызылорда облысында жел шығыстан, солтүстік шығыстан соғады, күші түнде 15-20, облыс орталығында 25 м/с, күндіз облыс орталығында 15-20 м/с жетеді.

Қарағанды облысының оңтүстігінде шығыстан, солтүстік-шығыстан жел соғады, екпіні 15-20 м/с күтіледі.

29 қараша түнде Алматы облысының оңтүстігінде, таулы аудандарында тұман күтіледі. Облыстың солтүстігінде солтүстік-шығыстан жел соғады, күші 15-20 м/с жетеді.

Алматы қаласында түнде тұман түседі

Түнде Абай облысының шығысында 40 градус қатты аяз күтіледі.

Ұлытау облысының оңтүстігінде шығыстан, солтүстік-шығыстан жел соғады, екпіні 15-20 м/с жетеді.

Шығыс Қазақстан облысының солтүстік-шығысында 43 градус қатты аяз сақталады.

Түркістан облысының таулы аудандарында қатты жауын-шашын (жаңбыр, қар) жауады. Облыстың батысында, оңтүстігінде, таулы және тау бөктерлі аудандарында тұман түседі.

Шымкент қаласында тұман күтіледі. Оңтүстік-батыстан жел соғады, түнде екпіні 15-20 м/с жетеді.