10-12 мамырда ел өңірлерінде жаңбыр мен найзағай күтіледі

НҰР-СҰЛТАН. ҚазАқпарат – «Қазгидромет» РМК 10-12 мамыр күндергі ауа райы болжамын мәлім етті, деп хабарлайды ҚазАқпарат.

«Атмосфералық фронталды бөліктердің өтуіне байланысты, еліміздің басым бөлігінде жаңбыр жауады. Ал республиканың батысы мен оңтүстігінде кей кезде қатты жаңбыр жауып, күн күркірейді, бұршақ түседі, жел 15-20 м/с дейін күшейеді, екпіні 25 м/с дейін жетеді», - делінген синоптиктер хабарламасында.