10.00-дегі жағдай: Сайлаушылардың жалпы санының 11,6 пайызы дауыс берді - ҚР ОСК
«Облыстардың, республикалық маңызы бар қалалардың, астананың сайлау комиссиялары ұсынған мәліметтерге сәйкес, 2021 жылғы 10 қаңтар күні сағат 10.00-дегі жағдай бойынша, сайлау бюллетеньдерін тізімге енгізілген сайлаушылардың жалпы санының 11,6 пайызы алды. Олардың ішінде: Ақмола облысы – 10,2, Ақтөбе облысы - 9,9, Алматы облысы – 11,3 Атырау облысы - 10,3, Батыс Қазақстан облысы – 12,7, Жамбыл облысы – 12,8, Қарағанды облысы – 10,4, Қостанай облысы – 11,2, Қызылорда облысы – 10,3, Маңғыстау облысы – 8,7, Павлодар облысы -14, Солтүстік Қазақстан облысы - 14,9, Түркістан облысы - 13,1 Шығыс Қазақстан облысы - 12,1, Нұр-Сұлтан қаласы - 10,8, Алматы қаласы - 9,7 Шымкент қаласы - 14,4 пайыз», - деді Ерлан Дауылбаев.
Оның атап өтуінше, дауыс берушілердің сайлау учаскелеріне келуі туралы ақпарат жергілікті уақыт бойынша сағат 12.00, 14.00, 16.00, 18.00 және 20.00-де ұсынылады. Сайлаушылардың келуі туралы алдын ала қорытынды ақпарат сағат 22.00-де беріледі.