+7 (701) 759 90 19
USD 411.54 EUR 458.13
RUB 5.84 CNY 57.64
Jańalyqtar

1 сәуірден бастап Маңғыстауға келетін жолаушы пойыздары тоқтайды

2020 жылғы 31 наурыз 20:00
Бөлісіңіз:
1 сәуірден бастап Маңғыстауға келетін жолаушы пойыздары тоқтайды

АҚТАУ. ҚазАқпарат - Маңғыстауға келетін бүкіл жолаушылар пойызы тоқтайды. Бұл туралы аймақтық коммуникация орталығында өткен брифингте «Маңғыстау» теміржол вокзалының басшысы Алма Айымқұлова мәлімдеді, деп хабарлайды ҚазАқпарат тілшісі.

20 наурыздан бастап Нұр-Сұлтан және Алматы қалаларында карантин енгізілуіне байланысты, «Маңғышлақ – Нұр-Сұлтан» бағытындағы пойыздың соңғы бекеті болып Атбасар белгіленсе, «Маңғышлақ – Алматы» бағытындағы жолаушылар пойызы тек Шу бекетіне дейін жүрді. Аталған бағыттар 30 наурыз күні жолаушыларды тасуды тоқтатты.

Сондай-ақ, жергілікті Маңғыстау – Бейнеу бағытындағы пойыз да 30 наурыз күні соңғы рет жөнелтілді. Айта кетейік, ертеңнен бастап Маңғыстаудан Атырау, Ақтөбе қалаларына қатынайтын барлық пойыз тоқтайды.

Өз кезегінде Алма Айымқұлова төтенше жағдай аясында вокзалдың жұмыс істеу тәртібін, сақтық шараларын айтып өтті. Келіп-кетуші жолаушылардың барлығын эпидемиологтар арнайы құралмен, тепловизормен тексереді.

«Осы күнге дейін вокзалда коронавирус инфекциясы анықталған жоқ. Қызметкерлеріміз бен жолаушылардың қауіпсіздігі тиісті мамандардың жіті бақылауында», - деді Алма Айымқұлова.


Біздің каналымызға жазылыңыз:

Бөлісіңіз:

Автор:

Ләйлім Әлім

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Ербол Жанат
Ербол Жанат
954-059

MURAǴAT