1 мың үлескердің қаржысын жымқырған «Қазкоммерцинжиниринг» ЖШС-нің директоры жауапқа тартылды

АСТАНА. Қазанның 7-сі. ҚазАқпарат /Руслан Ғаббасов/ - Алматыда 6 жыл бас бостандығынан айыруға «Қазкоммерцинжиниринг» және «Досор Девелопмент» ЖШС-нің директоры Оразбаев жауапқа тартылды.

Бұл туралы бүгін Астанада өткен апталық брифингте Экономикалық қылмысқа және сыбайлас жемқорлыққа қарсы күрес агенттігінің ресми өкілі Мұрат Жұманбай мәлім етті, деп хабарлайды ҚазАқпарат.  

Ресми өкілдің айтуынша, ол «Елисей алабы» және «Елім-ай» тұрғын үй кешендері бойынша  1005 үлескердің  12 млрд. 822 млн.теңгесін алаяқтық жолмен ұрлаған. Оразбаев ЖШС-і барлық активтерін және тыйым салынған барлық мүлікті «Алтын сарай» тұрғын үй құрылысы кооперативінің меншігіне берді.