1 мамыр. Туған күн иелері
ЕСІМДЕР
Қызылорда облысында туған. ҚазМУ-дың журналистика факультетін (1986, қазіргі ҚазҰУ), Мәскеу халықаралық бизнес және ақпараттық технологиялар университетін (1998) бітірген.
Филология ғылымдарының докторы (2001), профессор (2002).
«Лениншіл жас» (қазіргі «Жас алаш») газетінде тілші, аға тілші, аудармашы, бөлім меңгерушісі (1986-1994), ҚазҰУ-да аға оқытушы (1994-1996), доцент, аға ғылыми қызметкер (1998-2000), профессор (2002-2003), Қызылорда мемлекеттік университетінің проректоры (1996-1997), Қызылорда қалалық әкімінің орынбасары (1997-1998), Қазақстан Ұлттық ғылым академиясының Әдебиет және өнер институтында аға ғылыми қызметкер, бөлім меңгерушісі (2000-2003), «Қайнар» университетінің профессоры (2001-2002); ҚР Мәдениет, ақпарат және спорт министрлігінде департамент директоры (2003-2006), «Астана хабары» газеті бас редакторының 1-орынбасары, «Айқын» газетінің бас редакторы, Қызылорда облысы әкімі аппаратының жетекшісі, «Қазақ газеттері» ЖШС-нің бас директоры (2006-2009) қызметтерін атқарды. ҚР Мәдениет және ақпарат министрлігінің Ақпарат және мұрағат комитеті төрағасының орынбасары; 2010 жылдан Тіл комитетінің төрағасы, ҚР Президенті баспасөз қызметінің сектор меңгерушісі болды. 2013 жылы қаңтардан ҚР Президенті баспасөз хатшысының орынбасары қызметін атқарды. Қазақстан Республикасы Президентінің кеңесшісі (2019 жылдан бастап).
Б.Бұлқышев атындағы Қазақстан Журналистер одағы сыйлығының лауреаты (1990); БАҚ саласындағы Президент грантының иегері (2007); халықаралық «Алаш» әдеби сыйлығының лауреаты (2011).
«Қазақ әдебиетіндегі зар заман ағымы (генезис, типология, поэтика)» деген тақырыпта докторлық диссертация қорғады. Мұрат Мөңкеұлының шығармаларын, қазақ әдебиетіндегі зар заман, ежелгі әдебиет мәселелерін зерттеді. 70-тен астам ғылыми жарияланым мен 6 кітаптың авторы.
Қарағанды облысында туған. 1988 жылы Қарағанды педагогикалық институтын, 1995 жылы ҚР Еңбек министрлігі Қарағанды оқу орталығында (біліктілікті арттыру институты), 1999 жылы Д. Қонаев атындағы гуманитарлық университеттің Қарағанды филиалын «заңгер» мамандығымен бітірген.
Еңбек жолын 1988 жылы алғашқы әскери дайындық басшысы болып бастаған. Кейін Қарағанды қаласындағы №88 орта мектептің директоры болған. Көп жылдар бойы аудандық, қалалық, облыстық білім бөлімдерінде еңбек етіп, басшылық қызметтер атқарған. 2012-2013 жылдары Қарағанды облысы әкімінің орынбасары болған. Ы.Алтынсарин атындағы ұлттық академияның президенті (2013-2016).
Қазіргі қызметінде – 2020 жылдың қарашасынан.
Қызылорда облысы Қазалы ауданында туған. ҚазМУ-дің журналистика факультетін үздік бітірген (1988).
ҚазҰУ-да стажер-зерттеуші, ассистент, аға оқытушы, кафедра меңгерушісі, 1996-1997 жылдары Қызылорда мемлекеттік университетінің оқу ісі жөніндегі проректоры қызметін атқарған. 1997-2000 жылдары ҚазҰУ-дің докторантурасында оқыған. 2000-2004 жылдары Еуразия университетінде кафедра меңгерушісі, гуманитарлық институт директорының орынбасары, әлеуметтік жұмыстар жөніндегі проректор қызметтерін атқарған. 2004 жылдан «Қазақстан» республикалық телерадиокорпорациясы» АҚ Қызылорда облысы филиалының директоры қызметін атқарған. Еліміздің бірқатар жоғары оқу орындары мен бұқаралық ақпарат құралдарында қызмет істеді. «Астана ақшамы» газетінің директоры - бас редакторы (2008-2012), «Егемен Қазақстан» газетінде бас редактор, Л. Гумилев атындағы Еуразия ұлттық университеті жанындағы «Алаш» мәдениет және рухани даму институтының директоры болды.
Өлеңдері мен әдеби-сын мақалалары республикалық баспасөзде 1979 жылдан бастап жарық көрген. Шығармалары «Қарлығаш», «Ұлы дала жырлары», т.б. жинақтары мен антологияларға енген. «Құбыла» атты жыр кітабы шықты. «Сұлтанбек Қожанұлы - әдебиетші», «Қайраткердің қаламгерлігі» зерттеу еңбектерінің, «Қазақ поэзиясы және ұлттық идея» атты ғылыми монографияның авторы. Филология ғылымдарының докторы. «Дарын» мемлекеттік Жастар сыйлығының лауреаты.
Қостанай қаласында туған. Ивановск химиялық технология институтын бітірген, мамандығы: химиялық инженер-технолог (1993).
Жұмыс тәжірибесі: Қостанай облыстық индустрия және сауда басқармасының бас маманы (1996-1997); Мемлекеттік департаменттердің басшысы қызметтерін атқарды. Қостанай облысы кәсіпкерлік және өнеркәсіп департаментінің жетекшісі (1997-2008); Қазақстан Республикасы Индустрия және сауда министрінің кеңесшісі (2009-2010); Қазақстан Республикасы Индустрия комитеті төрағасының орынбасары (2010-2014) «ҚазАвтоЖол» ҰК» АҚ Басқарма төрағасының бірінші орынбасары (06.2014-10.2014). Қостанай облысы әкімінің орынбасары (2014-2020).
Қазіргі лауазымында –2020 жылдың тамызынан бері.
Павлодар облысында туған. 1996 жылы Павлодар индустриалды институтын «Автомобильдер және трактор жасау» мамандығы бойынша үздік бітірді. 1999 жылы С. Торайғыров атындағы ПМУ-ды «Құқықтану» мамандығы бойынша үздік бітірді.
2010 жылы экономика ғылымдарының докторы ғылыми дәрежесін алу үшін диссертациясын сәтті қорғады. Қазақстан Республикасы Білім және ғылым министрлігінің құрметті қызметкері болып танылды.Әр жылдары жауапты басшылық лауазымдар атқарды. 2004 жылы Тәрбие жұмысы және әлеуметтік мәселелер жөніндегі проректор, 2008 жылы Стратегиялық жоспарлау, әлеуметтік және тәрбие жұмысы жөніндегі проректор болып тағайындалды. 2010 жылдың желтоқсанында Стратегиялық жоспарлау, әлеуметтік және тәрбие жұмыстары жөніндегі бірінші проректор болып тағайындалды. 2011 жылы Қазақстан Республикасы Білім және ғылым министрлігінің Жоғары және жоғары оқу орнынан кейінгі білім департаменті директорының орынбасары міндетін атқарушы болып тағайындалды.Бірнеше рет Павлодар қалалық мәслихатының депутаты болып сайланды, Павлодар қалалық мәслихатының әлеуметтік саясат жөніндегі тұрақты комиссиясының төрағасы болды. 2012 жылдан 2016 жылға дейін V сайланған Қазақстан Республикасы Парламенті Мәжілісінің депутаты, Қазақстан Республикасы Парламенті Мәжілісінің Әлеуметтік-мәдени даму комитетінің мүшесі болды. 2019 жылы С.Торайғыров атындағы Павлодар мемлекеттік университетінің ректоры.
Қазіргі қызметінде 2021 жылдың сәуірінен.
Алматы қаласында туған. Әл-Фараби атындағы Қазақ мемлекеттік ұлттық университетін бітірген. (1998), экономика және менеджмент; ҚазМУ аспирантурасы (2000); М. Ломоносов атындағы Мәскеу мемлекеттік университетінің аспирантурасы (2005).
Еңбек жолы: ҚазМУ ассистенті (1999-2001); Қазақстан Республикасы Қауіпсіздік Кеңесінің экономикалық қауіпсіздік мәселелері жөніндегі бөлімінің бас сарапшысы (2001-2002); Қазақстан Республикасы Президенті Әкімшілігінің жүйелі зерттеулер орталығы секторының меңгерушісі (2002-2003); Қазақстан Республикасы Қаржы министрінің кеңесшісі (2003-2005) және Бірыңғай экономикалық кеңістікті қалыптастыру жөніндегі ЕурАзЭҚ хатшылығы жанындағы ұйымдастыру-сараптама тобының кеңесшісі (2004-2005); Қазақстан Республикасы Премьер-Министрінің кеңесшісі, Премьер-Министр кеңесшілері тобының жетекшісі (03.2005-11.2005); Қазақстан Республикасы Премьер-Министрі Кеңсесінің Жиынтық талдау бөлімінің меңгерушісі (2005-2006); Қазақстан Республикасының Денсаулық сақтау вице-министрі (2006-2008); «ҚазТрансОйл» АҚ Бас директорының экономика және қаржы жөніндегі орынбасары (2008-2016); Шығыс Қазақстан облысы әкімінің орынбасары (2016-2019); ҚР ДСМ жауапты хатшысы (2005-2006); 07.2020-10.2020). Қазақстан Республикасының Денсаулық сақтау вице-министрі (2020-2022).
Атқаратын лауазымында – 2022 жылғы ақпаннан бастап.
Шығыс Қазақстан облысында туған. Абай атындағы Алматы мемлекеттік университетін - халықаралық қатынастар мамандығы бойынша (2001), Ресей Федерациясының Үкіметі жанындағы Халық шаруашылығы академиясын - іскерлік әкімшілік мастері мамандығы бойынша (2004), сондай-ақ, АҚШ-тағы Гарвард университетінің Халықаралық қатынастар орталығының Дж.Кеннеди атындағы басқару мектебін бітірген.
Еңбек жолын 1998 жылы Ұлттық дебат орталығында координатор ретінде бастаған.
2002-2005 жылдары «Хабар» агенттігінің Ақпараттық бағдарламалар дирекциясының редакторы, Ресей Федерациясы бойынша меншікті тілшісі, 2005-2006 жылдары Қазақстан Республикасының Ресей Федерациясындағы Елшілігінде екінші және бірінші хатшы, 2006-2008 жылдары «Қазақстан» республикалық телерадиокорпорациясының Маңғыстау облыстық филиалының директоры, 2008-2009 жылдары Маңғыстау облысы әкімінің қоғамдық-саяси мәселелер жөніндегі кеңесшісі, 2010-2011 жылдары АҚШ-тағы Гарвард университетінде лингвистика департаментінің оқытушысы болып қызмет атқарған.
2011 жылдан бастап «Bilim Media Group» компаниясының директоры қызметін атқарды, «Wikibilim» ҚҚ қамқоршылық кеңесінің төрағасы. 2014 жылы желтоқсан мен 2016 жылы тамыз айына дейін Қызылорда облысы әкімінің орынбасары қызметін атқарды. «Ұлтық аударма бюросы» қоғамдық қорының атқарушы директоры (2017 жылдан). 2018 жылы тамыз айынан бастап Nur Otan партиясы Төрағасы бірінші орынбасарының кеңесшісі болып тағайындалды. Қазақ, орыс ағылшын және түрік тілдерін жетік меңгерген.
2011 жылы Уикипедия қорының жыл сайынғы халықаралық конференциясында қазақ тіліндегі Уикипедия қауымдастығын дамытуға және насихаттауға қосқан үлесі үшін Wikipedia әлемдік интернет-энциклопедиясының негізін қалаушы Джимми Уэльстің жеке сыйлығымен марапатталып, жыл Уикипедияшысы (Wikipedian of the Year) атағы берілді. Бұл сыйлық алғаш рет табыс етілген болатын.