+7 (701) 759 90 19
USD 424.49 EUR 504.51
RUB 5.59 CNY 64.57
Jańalyqtar

1,6 мыңнан астам медицина қызметкері сақтандыру қорынан төлем алды

2020 жылғы 18 қыркүйек 11:58
Бөлісіңіз:
1,6 мыңнан астам медицина қызметкері сақтандыру қорынан төлем алды

НҰР-СҰЛТАН. ҚазАқпарат - COVID-19-бен күресуге тартылған 1646 медицина қызметкері коронавирус инфекциясын немесе вирустық пневмонияны жұқтырғаны үшін мемлекеттік әлеуметтік сақтандыру қорынан (бұдан әрі – МӘСҚ) біржолғы әлеуметтік төлем алды.

Ұқсас жаңалықтар
Коронавирус пневмониясы: Бір күнде 204 адам ауруға шалдығып, 4 науқас көз жұмды Елімізде 701 науқас коронавирустан жазылды Шығыс Қазақстанда 15 ПТР-зертхана жұмыс істеп тұр

Сондай-ақ, МӘСҚ аурудың салдарынан қайтыс болған 22 медицина қызметкерінің туыстарына төлемдер аударды, деп хабарлайды ҚазАқпарат тілшісі ҚР Еңбек және халықты әлеуметтік қорғау министрлігінің баспасөз қызметіне сілтеме жасап.

Бұдан бұрын хабарланғандай, жоғарыда аталған төлем төленетін медицина қызметкерлерін өңірлердің және республикалық маңызы бар қалалардың денсаулық сақтау басқармалары жанындағы арнайы комиссиялар ауырған медицина қызметкерлерін тексеру нәтижелері негізінде анықтайды.

Өтінімдердің жинақтауды ҚР Денсаулық сақтау министрлігі жүзеге асырады, одан кейін өтінімдер электрондық іс макеттерін қалыптастыру үшін «Азаматтарға арналған үкімет» мемлекеттік корпорациясы» КЕАҚ-қа беріледі, кейін төлем тағайындау үшін МӘСҚ-ға жіберіледі.

«18 қыркүйек сағат 9:00-дегі жағдай бойынша МӘСҚ COVID-19 немесе вирустық пневмония жұқтырған 1646 медицина қызметкерінің өтініші бойынша және аурудың салдарынан қайтыс болған 22 медицина қызметкерінің өтініші бойынша қаражатты тағайындау мен төлеуді жүзеге асырды»,-делінген хабарламада.

Өңірлер бөлінісінде медицина қызметкерлеріне COVID-19 немесе вирустық пневмонияны жұқтыру жағдайына төлемдердің ең көп саны Алматы (369) және Нұр-Сұлтан (340), Шымкент (100) қалалары, Қарағанды (113) және Ақмола (107) облыстары бойынша жүргізілді.

Естеріңізге сала кетейік, ҚР Еңбек және халықты әлеуметтік қорғау министрі мен ҚР Денсаулық сақтау министрінің 9 сәуірдегі «Денсаулық сақтау ұйымдарының COVID-19 коронавирустық инфекциясына қарсы күрес жөніндегі эпидемияға қарсы іс-шараларға тартылған қызметкерлері аталған инфекцияны жұқтырған немесе одан қайтыс болған жағдайда оларға біржолғы әлеуметтік төлемді жүзеге асыру қағидаларын бекіту туралы» бірлескен бұйрығына ағымдағы жылдың 22 шілдесінде енгізілген өзгерістерге сәйкес жоғарыда көрсетілген төлем:

– коронавирустық инфекция немесе вирустық пневмония жұқтырған медицина қызметкерлеріне – 2 млн. теңге;

– COVID-19 коронавирустық инфекциясын жұқтырғаннан, вирустық пневмониямен ауырып қайтыс болған жағдайда олардың отбасына – 10 млн. теңге көлемінде төленеді.


Біздің каналымызға жазылыңыз:

Бөлісіңіз:

Автор:

Аяулым Алтынбек

Пікір қалдыру
+7
Жіберу
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Бакытжан Ербасов
Бакытжан Ербасов
954-059
REDAKTOR
Жанибек Амангелди
Жанибек Амангелди
954-059

MURAǴAT