Қолданушы баптаулары
Қолданушы баптаулары
+7 (701) 759 90 19 Лента
USD 386.05 EUR 428.25
RUB 5.84 CNY 54.65
Jańalyqtar

1-2 күнде бұйрыққа қол қоямын – Білім министрі мектептегі ашықтық жайында

2019 жылғы 13 тамыз 13:23 25999
Бөлісіңіз:
1-2 күнде бұйрыққа қол қоямын – Білім министрі мектептегі ашықтық жайында

НҰР-СҰЛТАН. ҚазАқпарат – Білім және ғылым министрі Асхат Аймағамбетов мектептегі бюджет пен кадр, штаб кестесі жайлы ақпараттарды ашық түрде жариялауды міндеттейтін бұйрыққа қол қойғалы жатыр, деп хабарлайды ҚазАқпарат тілшісі.

«Бұл сұрақ бірнеше жыл бойы көтеріліп келе жатыр. Жалпы, мектептерде, білім беру ұйымдарында ашықтықты жариялау мәселесі өте өзекті. Бюджет, штаб кестесі, тарификация – өте маңызды. Біз қазіргі таңда тиісті министрліктің бұйрығын дайындадық. Мен осы бір-екі күннің ішінде қол қоятын боламын. Осы бұйрыққа сәйкес, барлық мемлекеттік білім беру ұйымдары сайттарында өздерінің бюджетін ашық жариялайды. Бірақ, ол бюджетті жай ғана қоя салмай, барлық қоғамға түсінікті болатын тілмен жазуға міндеттеледі. Екіншіден, штаттық кестесін, үшіншіден, тарификацияны жариялауы керек. Тарификация дегеніміз – қай мұғалімде неше сағат екенін жариялайтын ақпарат», - деді министр Үкіметтің баспасөз орталығында.

Асхат Аймағамбетов бұл қадам не үшін маңызды екенін де түсіндірді.

«Жемқорлық мәселесін алдын алуда бұл қадамның маңызы өте зор. Себебі, кейбір білім беру ұйымдарында штаттық кесте бойынша жұмыскерлер бар дегенімізбен, сол мектепте істеп жатқан адамдардың өздері сол адамдардың бар-жоғын білмейді. Соны жария ететін болсақ, барлық ұжым кімнің қанша сағаты барын, кімнің жұмыс істеп жатқанын, қандай лауазымда екенін білетін болады. Бұл әлбетте, жемқорлықтың алдын алуға үлкен септігін тигізеді деп сенеміз», - деді министр.

Біздің каналымызға жазылыңыз:

Бөлісіңіз:

Автор:

Аян Бекенұлы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Бакытжан Ербасов
Бакытжан Ербасов
954-059

MURAǴAT