+7 (701) 759 90 19
USD 385.55 EUR 426.57
RUB 6.05 CNY 54.77
Jańalyqtar

086 медициналық анықтамасын онлайн алуға болады

2019 жылғы 4 желтоқсан 11:40
Бөлісіңіз:
086 медициналық анықтамасын онлайн алуға болады

НҰР-СҰЛТАН. ҚазАқпарат - Ведомствоаралық комиссия отырысында тағы 9 мемлекеттік қызметті көрсету рәсімін жеңілдету мәселесі қаралды. Бұл жөнінде Цифрлық даму, инновациялар және аэроғарыш өнеркәсібі министрлігіне сілтеме жасап ҚазАқпарат хабарлайды.

Ұқсас жаңалықтар
Astana Hub-та Корей-Қазақстандық IT-орталығы ашылады Елордада «True or False» медиасауаттылық чемпионаты өтті Қарағанды облысының кәсіпкерлер палатасы «Өнеркәсіп» ақпараттық жүйесін құрмақ

ҚР Цифрлық даму, инновациялар және аэроғарыш өнеркәсібі министрлігінде ведомствоаралық комиссияның кезекті отырысы өтіп, комиссия мүшелері 41 мемлекеттік қызметті қарастырды. Өзекті емес және сұранысқа ие емес 13 қызметті қолданыстағы тізілімнен алып тастау, ал 15 қызметті электронды форматқа көшіру және өзара ұқсас қызметтерді біріктіру ұсынылды.

Автоматтандырылатын қызметтердің қатарында 086/у анықтамасы да бар. Ұсынылған процедура бекітілгеннен кейін аталған анықтаманы міндетті медициналық тексеруден өту нәтижелері негізінде eGov порталы арқылы алуға болады. Анықтамада арнайы QR-код болады, ол құжаттың түпнұсқалығын тексеруге мүмкіндік береді. Мұндай электрондық анықтама бір жылға жарамды.

Сонымен қатар, отырысқа қатысушылар ел Президенті жақында бекіткен Мемлекеттік қызмет көрсету туралы заңнамаға енгізілген түзетулерге байланысты өздерінің іс-қимыл жоспарларымен бөлісті. Бұл заң толық күшіне енуі үшін тағы 400-ге жуық нормативтік құжаттарды қабылдау қажет. Заңның әлеуметтік маңыздылығын ескере отырып, Асқар Жұмағалиев мемлекеттік органдардың өкілдеріне осы Заңға тәуелді актілерді жедел қабылдау қажеттігін еске салып өтті.

Осы заңға «проактивті» және «композиттік» ұғымдардың енгізілгенін айтып өту керек. Яғни, ендігі уақытта мемлекет азаматқа белгілі бір өмірлік жағдайда қызмет көрсетуді өзі ұсынады, сондай-ақ бір ғана өтініш жазып, бірқатар ілеспе қызметтерді алуға мүмкіндік береді.

« Біз композитті және проактивті қызметтердің бірқатарын пилоттық режимде ұсынудамыз. Бұл тәсілдер өзінің тиімділігін көрсетті. Сондықтан, әріптестер, сіздерден тиісті заңға тәуелді актілерді қабылдауды барынша жеделдетуді сұраймын. Бұл түзетулерді енгізудің мәні зор, себебі азаматтардың мемлекеттік қызметтерді алуын ыңғайлы әрі жедел ете түспек «, - деп атап өтті Асқар Жұмағалиев.

Комиссия отырысында мемлекеттік қызметтерді автоматтандыру және оңтайландыру бойынша жүргізілген жұмыстар туралы Еңбек және халықты әлеуметтік қорғау, Ауыл шаруашылығы, Денсаулық сақтау, сондай-ақ Мәдениет және спорт министрліктерінің өкілдері баяндады.

Біздің каналымызға жазылыңыз:

Бөлісіңіз:
Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Бакытжан Ербасов
Бакытжан Ербасов
954-059

MURAǴAT