Қызылорда облысы

Қызылорда – еліміздің оңтүстігіндегі қала, 1938 жылдан бері Қызылорда облысының әкімшілік, экономикалық және мәдени орталығы. Қала аумағы Сырдария өзені бойлай оңтүстік-шығыстан солтүстік-батысқа қарай төртбұрышты пішінде созылып жатыр. Жер аумағы 3683 гектар.
Геологиялық тұрғыдан Қызылорда аумағы Тұран эпигерциндік платформасы үстінде орналасқан.
2021 жылғы мәлімет бойынша Қызылорда қаласында 242 мыңнан астам адам тұрады.
Қызылорда қаласының телефон коды 7242
Қала Қамысқала атты елді мекенде Ақмешіт бекінісі болып 1817 жылы салынған. 1853 жылдың тамызынан генерал В.А. Перовскийдің атымен бекініс Перовск форты аталды. 1867 жылы Перовскіге қала мәртебесі беріліп, уезд орталығына айналды. 1901-06 жылдары Орынбор-Ташкент теміржолының салынуына байланысты қала халқы қарқындап өсті.
1922 жылы қаланың Ақмешіт аты қайтарылды. 1925 жылдың сәуірінде ол Қызылорда деп қайта өзгертіліп, 1929 жылға дейін Қазақ АКСР-інің астанасы болды.
Қызылорда қаласының әкімі Асылбек Шәменов