+7 (701) 759 90 19 Лента
14 °С : استانا
32 °С : الماتى
USD 346.68 EUR 404.02
RUB 5.47 CNY 51.15
جاڭالىقتار

بۇگىن - قازاقپارات اگەنتتىگىنىڭ قۇرىلعانىنا 97 جىل

13 تامىز 14:22 5142
:ءبولىسۋ
بۇگىن - قازاقپارات اگەنتتىگىنىڭ قۇرىلعانىنا 97 جىل

استانا. قازاقپارات - بۇگىن حالىقارالىق دارەجەگە يە بولعان قازاقستانداعى العاشقى اقپاراتتىق اگەنتتىك، قازاقستان ءومىرىنىڭ ساياسي، ەكونوميكالىق، سپورتتىق جانە باسقا دا سالالارىندا سەنىمدى اقپارات كوزىنە اينالعان «قازاقپارات» حالىقارالىق اقپارات اگەنتتىگىنىڭ قۇرىلعانىنا 97  جىل تولدى.

 عاسىرعا جۋىق ۋاقىتتان بەرى بەرى ساياسات، ەكونوميكا، ءبىلىم بەرۋ، دەنساۋلىق ساقتاۋ، سپورت، مادەنيەت جانە قوعامنىڭ وزگە دە تىنىس تىرشىلىگى تۋرالى جەدەل ءارى سەنىمدى اقپارات تاراتىپ كەلە جاتقان قازاقپارات ەڭ العاش 1920 - جىلى روستا- نىڭ ورىنبور- تورعاي بولىمشەسى نەگىزىندە قۇرىلدى. 1925 -جىلى اگەنتتىك اتى قازروست بولىپ وزگەرتىلدى. 1937 -جىلى قازتاگ دەگەن اتپەن قازاق كسر مينيسترلەر كەڭەسىنىڭ قاراۋىنا بەرىلدى.1997 -جىلى قىركۇيەك ايىندا قازاقستان رەسپۋبليكاسى پرەزيدەنتىنىڭ №3629 جارلىعىمەن «قازاق اقپارات اگەنتتىگى (قازاا) » رەسپۋبليكالىق قازىنالىق كاسىپورنى بولىپ وزگەرتىلدى. 2002 -جىلى قاراشانىڭ 8-ىندە، قازاقستان رەسپۋبليكاسى ۇكىمەتىنىڭ №1186 قاۋلىسىنا سايكەس قازااگ نەگىزىندە «قازاق اقپارات اگەنتتىگى» ۇلتتىق كومپانياسى («قازاقپارات» ۇ ك) قۇرىلدى. 2008 -جىلى شىلدەنىڭ 3 ىندە قازاقستان رەسپۋبليكاسى ۇكىمەتىنىڭ №668 قاۋلىسىنا سايكەس «ارنا مەديا» ۇلتتىق اقپاراتتىق حولدينگى» اكسيونەرلىك قوعامىنىڭ قۇرامىنا كىردى. 2012 - جىلعى تامىزدان 2014 -جىلعا دەيىن «قازاقستان» ر ت ر ك» ا ق قۇرامىندا بولدى. 2014 -جىلدىڭ قاڭتارىندا «قازاقپارات» قازاقستانداعى العاشقى حالىقارالىق اقپارات اگەنتتىگى (ح ا ا) مارتەبەسىنە يە بولىپ، ءوز تاريحىنىڭ جاڭا كەزەڭىن باستادى.

 اگەنتتىكتىڭ ورتالىق كەڭسەسى قازاقستاننىڭ ەلورداسى استانا قالاسىندا ورنالاسقان. ەلدىڭ قارجىلىق جانە مادەني ورتالىعى الماتىدا ونىڭ فيليالى - تىلشىلەر قوسىنى بار. قازاقپاراتتا وزگە وتاندىق اقپاراتتىق اگەنتتىكتەردە جوق تىلشىلەر جەلىسى بار. ەلدىڭ بارلىق ايماقتارىندا 15 تىلشىلەر پۋنكتى ورنالاسقان. ونىڭ ىشىنە بايقوڭىر دا كىرەدى. رەسەي، قىتاي، تۇركيا، ب ا ءا، يوردانيا، بەلگيا، ءازىربايجان، وزبەكستان ەلدەرىندە مەنشىكتى تىلشىلەرى بار. سونداي- اق، قازاقپارات شەتەلدىك يتار- تاسس، كابار، بەلتا، ۋكرينفورم، «نوۆوستي - مولدوۆا» اقپاراتتىق اگەنتتىگى، MOLDPRES، Armenpress, c, Yonhap, EFە، ب ت ا جانە ت. ب. اگەنتتىكتەرمەن سەرىكتەستىك ورناتقان. بۇل ەلىمىزدە جانە الەمدە بولىپ جاتقان جاڭالىقتاردى on-line رەجيمدە جەدەل ءارى شىنايى تاراتۋعا مۇمكىندىك بەرەدى. سونىمەن بىرگە، قازاقپارات - كيريلليتسانى وقي المايتىن شەتەلدە تۇراتىن قانداستارىمىز ءۇشىن لاتىن (2004) جانە توتە جازۋدا (2009) حابار تاراتقان العاشقى قازاقستاندىق ب ا ق. ودان بولەك، اگەنتتىك قازاق، ورىس، اعىلشىن جانە قىتاي تىلدەرىندە حابار تاراتادى. بۇگىنگى تاڭدا قازاقپارات الەۋمەتتىك جەلىلەردە بەلسەندى جۇمىس جۇرگىزەدى. Facebook, موي مير، ۆكونتاكتە، Twitter، ودنوكلاسسنيكي، Google+، SenKazakh, Instagram, Linkedin, Imgur، MySpace, Yvision, كازاح. ru الەۋمەتتىك جەلىلەرىندەگى ارنالار مەن پاراقشالارىنا جازىلۋشىلاردىڭ جيىنتىق سانى  80000 ادامنان اسىپ تۇسەدى. www.inform.kz پورتالىن پايدالانۋشىلاردىڭ گەوگرافياسى 229 ەلدى قامتيدى. پورتالدىڭ تاۋلىك ىشىندەگى وقىلىم سانى ورتا ەسەپپەن  45000 دى قۇرايدى.

 

 اۆتور: ايجان سەرىكجان قىزى


باستى سوزدەر: قوعام, مادةنيةت,
:ءبولىسۋ
ونلاين قىزمەتكەرلەر
مۇراعات