+7 (701) 759 90 19 Лента
14 °С : استانا
32 °С : الماتى
USD 346.68 EUR 404.02
RUB 5.47 CNY 51.15
جاڭالىقتار

استانادا «التىن جەبە» حالىقارالىق ءتۋرنيرى ءوتىپ جاتىر

13 تامىز 12:49 933
:ءبولىسۋ
استانادا «التىن جەبە» حالىقارالىق ءتۋرنيرى ءوتىپ جاتىر

 استانا. قازاقپارات - استاناداعى «قازانات» اتشابارىندا جامبى اتۋدان «التىن جەبە» حالىقارالىق تۋرنيرىنىڭ ەكىنشى كۇنىنىڭ سايىستارى ءوتىپ جاتىر، دەپ حابارلايدى ۇيىمداستىرۋشىلار.

 جارىسقا 10 ەلدەن كەلگەن 20 عا جۋىق سۇرمەرگەندەر قاتىسۋدا. قازاقستاننان ەل نامىسىن «التىن جەبەدە» بەس سپورتشى قورعايدى. ولار؛ جامبى اتۋدان قازاقستان رەسپۋبليكاسى چەمپيوناتىنىڭ بىرنەشە دۇركىن جۇلدەگەرى، 2016 - جىلعى «ۇلى دالا ويىندارى» فەستيۆالىنىڭ جەڭىمپازى اتانعان ەلدوس باداشيەۆ جانە ەلىشىلىك چەمپيوناتتا توپ جارىپ جۇرگەن ساڭلاقتارىمىز سارىباي ايتبەك، ايكوز ەرالحان، تۋلىبايەۆ ابزال، ۇزدەنبايەۆ بەكقالي.

قازاق ەلىندە تۇڭعىش ۇيىمداستىرىلعان «التىن جەبە» ءتۋرنيرى ءۇش كەزەڭنەن: شاپشاڭ اتۋ، قالقان اتۋ جانە جامبى اتۋدان تۇرادى. ايتا كتەر جايت، جامبى اتۋ قازاق حالقىندا كەڭ تاراعان مەرگەندىك سىننىڭ ءبىر ءتۇرى. اتپەن شاۋىپ كەلە جاتىپ جىگىتتەر ەكپىنىن باسەڭدەتپەستەن قۇرۋلى باقان ۇستىندەگى نىسانانى اتىپ قۇلاتۋعا ءتيىس. ەرەجە بويىنشا سپورتشىلار سورەدە ءوز سايگۇلىكتەرىنىڭ جانىندا بولادى. تورەشى بەلگى بەرىسىمەن ولار اتتارىن تەز ەرتتەپ، شابا جونەلىپ، جولىنداعى نىسانالاردى اتىپ قۇلاتۋلارى كەرەك.


باستى سوزدەر: قوعام,
:ءبولىسۋ
ونلاين قىزمەتكەرلەر
مۇراعات