+7 (701) 759 90 19 Лента
14 °С : استانا
32 °С : الماتى
USD 346.68 EUR 404.02
RUB 5.47 CNY 51.15
جاڭالىقتار

قوناقتىڭ نەشە ءتۇرى بار؟

13 تامىز 12:33 200
:ءبولىسۋ
قوناقتىڭ نەشە ءتۇرى بار؟

استانا. قازاقپارات - اساۋ شەشەن ەسەنتەمىر بولەندى قوناققا شاقىرىپ وتىرىپ: - ە، بولە! سىزدەن ءبىر- ەكى اۋىز ءسوز سۇرايىن، رۇقسات پا؟ - دەپتى.

 - ە، شىراعىم، سۇرا! - دەپتى بولەن. - قۇدايدىڭ بەرگەنى، ۇيدەن قوناق كەتپەيدى. ءبىرى كەتسە ءبىرى كەلەدى. بىرەۋلەرى ءبىر كەلمەيدى، بىرنەشە كەلەدى. وسىلاردى كەلىنىڭىز كورىپ «مىناۋ تاعى كەلە جاتىر ما؟ » - - دەيدى. بۇل نەتكەنى؟ - دەپتى اساۋ.

 - ول كەلىننىڭ ىرىسى كەتكەنى، - دەيدى بولەن. - اۋىلدىڭ جاس بالالارى كارى قوناقتى جاقتىرمايدى، سونى كۇتۋدەن ەرىنەدى. «وسى شالدارعا نە جوق، قىدىردى، جەدى، ءبىرسىپىرا قىزىقتى كوردى، ەندى ۇيلەرىندە جاتسا قايتەدى؟ » - دەيدى. بۇل نەتكەنى؟

- ول بالالاردان ەرىك كەتكەنى. - بولە! «قوناق- قونسى» دەيدى قازاق. قوناق دەگەن كىم، قونسى دەگەن كىم؟ - قوناق دەگەن مىنا مەن، جىلىنا ءبىر رەت شاقىرتۋ- مەن كەلەمىن. قونسى دەگەن مىنالار، - دەپ اينالاداعى كىسىلەردى كورسەتەدى. پالەننىڭ ۇيىنە پالەن كەلىپتى، بارىپ امانداسايىق دەپ كەلەدى.

- ال، بولە! قوناق نەشە ءتۇرلى بولادى؟ - قوناق ءتورت ءتۇرلى بولادى: ارنايى قوناق، قۇدايى قوناق، قىدىرما قوناق قىلعىما قوناق.

ەندى بولەن اساۋدان: - جىگىتتىڭ نەشە جۇرتى بار؟ - دەپ سۇرايدى. - جىگىتتىڭ ءۇش جۇرتى بار دەپ ويلايمىن، - دەيدى. اساۋ: قايىن جۇرتى - ءمىنشىل، ءوز جۇرتى - كۇنشىل، ناعاشى جۇرتى - سىنشىل. سوندا بولەن: - جىگىتتىڭ ءتورت جۇرتى بولاتىن ەدى، بىرەۋىن تاستاپ كەتتىڭىز. ول - ەلىنىڭ ازاماتى. بارىنەن دە ارتىق سول ەدى- اۋ! - دەپتى.

دەرەككوز:qamshy.kz


باستى سوزدەر:
:ءبولىسۋ
سونداي-اق... وقىڭىز
ونلاين قىزمەتكەرلەر
مۇراعات