+7 (701) 759 90 19 Лента
14 °С : استانا
32 °С : الماتى
USD 346.68 EUR 404.02
RUB 5.47 CNY 51.15
جاڭالىقتار

قازاقتىڭ سوڭعى حانىنىڭ قايدا جەرلەنگەنىن بىلەسىز بە؟

13 تامىز 12:05 1007
:ءبولىسۋ
قازاقتىڭ سوڭعى حانىنىڭ قايدا جەرلەنگەنىن بىلەسىز بە؟

استانا. قازاقپارات - ۇزاق ۋاقىتتان بەرى ەل قازاقتىڭ سوڭعى حانى ءۋالي بۇرىنعى كوكشەتاۋ وبلىسىنا قاراستى سىرىمبەت مەكەنىندە جەرلەنگەن دەپ ساناپ كەلدى. الايدا كەيىننەن كەزدەيسوق تابىلعان تابىس مۇنى جوققا شىعاردى.

بۇل تۋرالى ەكسپرەسس- ك حابارلايدى.

ابىلاي حاننىڭ ۇلكەن ۇلى ءۋالي 1738 -جىلى دۇنيەگە كەلىپ، جاستايىنان ارعىنداردىڭ جاساقتارىن باسقارعان. اكەسىنىڭ تاپسىرماسىمەن بىرنەشە رەت قىتايداعى قازاق ەلشىلىگىنە جەتەكشىلىك ەتتى. ال ابىلاي حان كوز جۇمعان سوڭ ونىڭ ورنىن باستى. ال ەل بۇعان دەيىن ءۋالي حان مەن ونىڭ جۇبايى ايعانىم 1820 -جىلى سىرىمبەت مەكەنىندە جەرلەنگەن دەپ كەلدى. الايدا كەڭەس زامانىندا تۇرعىندار زەرەندى اۋدانىنا قاراستى قازاقستان اۋىلىنا جاقىن ماڭنان شاعاتاي تىلىندەگى جازۋى بار قابىر باسىنا ورناتىلعان تاستى تاۋىپ الدى.

 «جازۋدى اۋدارعاننان كەيىن مۇندا ورتا ءجۇزدىڭ سوڭعى حانى ءۋاليدىڭ جەرلەنگەنى بەلگىلى بولدى» ، -  دەيدى اقمولا تاريحي- مادەني وشاقتاردى قورعاۋ جانە پايدالانۋ جونىندەگى ورتالىعىنىڭ ديرەكتورى قۋانىش شاقشاقوۆ.

2008 -جىلى قازاقستان اۋىلىندا ءۋالي حانعا ارنالىپ ەسكەرتكىش ورناتىلعان.


باستى سوزدەر: قوعام,
:ءبولىسۋ
ونلاين قىزمەتكەرلەر
مۇراعات