+7 (701) 759 90 19 Лента
14 °С : استانا
32 °С : الماتى
USD 346.68 EUR 404.02
RUB 5.47 CNY 51.15
جاڭالىقتار

قاراحان مەملەكەتى داۋىرىندەگى كەسەنە تابىلدى - شەتەلدەگى قازاق ءتىلدى ب ا ق- قا شولۋ

13 تامىز 09:57 1268
:ءبولىسۋ
قاراحان مەملەكەتى داۋىرىندەگى كەسەنە تابىلدى - شەتەلدەگى قازاق ءتىلدى ب ا ق- قا شولۋ

استانا. قازاقپارات - «قازاقپارات» حاا شەتەلدەگى قازاق تىلىندە تارايتىن اقپارات كوزدەرىنە اپتالىق شولۋىن ۇسىنادى.  

 ***

 تەھران- استانا قارىم- قاتىناستارى مادەني كەلىسىمگە قول قويىلعاننان كەيىن كەڭەيە تۇسەدى - «فارس» اقپارات اگەنتتىگى


قاراحان مەملەكەتى داۋىرىندەگى كەسەنە تابىلدى - شەتەلدەگى قازاق ءتىلدى ب ا ق- قا شولۋ

«يراننىڭ مادەنيەت جانە يسلامدىق بايلانىستار ۇيىمىنىڭ ءتوراعاسى يران مەن قازاقستان اراسىندا مادەني كەلىسىمگە قول قويىلعاننان كەيىن تەھراندا تىلشىلەرگە بەرگەن سۇحباتتا مادەني كەلىسىمنىڭ ەكى ەلدىڭ قارىم- قاتىناستارىنىڭ تەرەڭدەي تۇسۋىنە ىقپال ەتەتىنىن قۋاتتادى» - دەپ جازادى parstoday اقپارات اگەنتتىگى.

 «يراننىڭ مادەنيەت جانە يسلامدىق بايلانىستار ۇيىمىنىڭ ءتوراعاسى ابۋزار يبراحيمي توركامان بەيسەنبى كۇنى يران مەن قازاقستان ۇكىمەتتەرىنىڭ جاسالعان كەلىسىمدى جۇزەگە اسىرۋ ءۇشىن قاجەت بيۋدجەت ءبولىپ، شارا قولداناتىنىن ايتىپ، بۇل كەلىسىم الداعى بىرنەشە جىلعا ارنالعان ەكى ەل اراسىنداعى مادەني بايلانىستار جوسپارىن قامتيدى» دەگەن.

ال، قازاقستاننىڭ مادەنيەت، تۋريزم جانە سپورت ءمينيسترى ارىستانبەك مۇحامەدي ۇلى دا تىلشىلەرگە «يرانمەن مادەني كەلىسىمگە قول قويۋ تەھران مەن استانانىڭ مادەنيەت، ونەر جانە سپورت سالالارىنداعى ىنتىماقتاستىقتار دەڭگەيىن ارتتىرۋ ءۇشىن جاقسى مۇمكىندىك بولىپ تابىلادى" دەپ مالىمدەگەنىن جازادى اتالعان اقپارات كوزى.

 «29 - تاراۋدان تۇراتىن مادەني كەلىسىمگە ەكى كۇنگە سوزىلعان كەلىسسوزدەردەن كەيىن بەيسەنبى كۇنى يراننىڭ مادەنيەت جانە يسلامدىق بايلانىستار ۇيىمىنىڭ ءتوراعاسى ابۋزار يبراحيمي توركامان مەن قازاقستاننىڭ مادەنيەت، تۋريزم جانە سپورت ءمينيسترى ارىستانبەك مۇحامەدي ۇلى قول قويدى. وسى كەلىسىم جاسالعاننان كەيىن كينەماتوگرافيا، تەاتر، مۋزىكا سالالارىندا ەكىجاقتى سەرىكتەستىكتەر جانە قولجازبالار مەن يران- قازاقستاننىڭ مادەنيەت قايراتكەرلەرى اراسىندا ىنتىماقتاستىق ورناتۋ، كورمەلەر، سۋرەت كورمەلەرى جانە مادەني اپتالىقتار وتكىزۋ بولىمدەرىندەگى ەكىجاقتى ورتاق ارىپتەستىكتەر جۇزەگە اسىرىلاتىن بولادى» دەپ تۇيىندەيدى ەكى ەلدىڭ ەكى كۇنگە سوزىلعان مادەني ىقپالداستىعى جونىندەگى اقپاراتىن «فارس» اگەنتتىگى.

 قازاقستاندىق ج و و دايىندىق كۋرسقا قابىلداۋ ءۇشىن موڭعولياعا باردى - kaznews.mn


قاراحان مەملەكەتى داۋىرىندەگى كەسەنە تابىلدى - شەتەلدەگى قازاق ءتىلدى ب ا ق- قا شولۋ

اقپارات كوزىنىڭ مالىمدەۋىنشە، ق ر جوعارى وقۋ ورىندارىنىڭ وكىلدەرى 1 جىلدىق دايىندىق كۋرسقا مەكتەپ بىتىرگەن تۇلەكتەردى قابىلداۋ ءۇشىن موڭعولياعا بارعان.

 «قازاقستان رەسپۋبليكاسىنىڭ موڭعولياداعى ەلشىلىگى 15-18 تامىز ارالىعىندا نالايح قالاسى، حوۆدا ايماعىنىڭ حوۆد سۇمىنى جانە بايان- ولگيي ايماعىنىڭ ولگيي قالاسىندا موڭعوليادا مەكتەپ بىتىرگەن تۇلەكتەر ءۇشىن قازاقستاندىق جوعارى وقۋ ورىندارىنىڭ 1 -جىلدىق دايىندىق كۋرسىنا سىناق جۇرگىزىلەتىنىن حابارلايدى» دەلىنگەن موڭعول ەلىنىڭ اقپاراتتىق پورتالىندا. سىناقتان وتكەن تالاپكەرلەر قازاقستاندا تەگىن وقۋ (1  جىلدىق) جانە جاتاقحانامەن قامتاماسىز ەتىلەدى ەكەن. دايىندىق كۋرسىنا سىناق جۇرگىزۋ شاراسىنىڭ موڭعول ەلىندەگى نەگىزگى ۇيىمداستىرۋشى قازاقستان رەسپۋبليكاسىنىڭ موڭعولياداعى ەلشىلىگى دەپ مالىمدەگەن kaznews.mn.

بۇركىتشى قىز ايشولپان ازيانىڭ بەدەلدى سىيلىعىنا يە بولدى - «قىتايدىڭ ورتالىق حالىق راديوسى»


قاراحان مەملەكەتى داۋىرىندەگى كەسەنە تابىلدى - شەتەلدەگى قازاق ءتىلدى ب ا ق- قا شولۋ

وسى اپتادا موڭعوليالىق قانداسىمىز بۇركىتشى قىز ايشولپان تۋرالى جاعىمدى جاڭالىقتى قىتاي ەلىندەگى باستى اقپارات كوزدەرىنىڭ ءبىرى kazakcnr.com-دا وقىرمان نازارىنان تىس قالدىرماپتى.

«8-تامىزدا Asia Society ازيا جانە الەمنىڭ دامۋىنا ۇلەس قوسقاندارعا تابىستالاتىن Asia Game Changer Awards 2017 سىيلىعى يەگەرلەرىنىڭ اتىن اتادى» ، دەگەن asiarussia.ru-نىڭ حابارىن جاريالاعان اتالعان اقپاراتتىق پورتال.

 «Asia Society ءتورت جىل بۇرىنعى Changer Awards ازيا ويىندارىنداعى ءداستۇردى جالعاستىرا وتىرىپ، كورنەكتى ادامدارمەن، ۇيىمدارمەن ىنتىماقتاسىپ جۇمىس ىستەگەنىن ماقتان تۇتادى. بيىل ناگرادا اۋعانستانداعى ءوز اندەرىندە ەرتە نەكەگە قارسى نارازىلىق بىلدىرەتىن جانە ايەلدەردىڭ قۇقىقتارى ءۇشىن كۇرەسىپ جۇرگەن جاس رەپەر Sonita عا بەرىلدى. سونداي- اق سىيلىق قىتايدىڭ كەي ەڭ كۇردەلى الەۋمەتتىك، ەكونوميكالىق جانە ەكولوگيالىق پروبلەمالارىن شەشەتىن الەمدەگى ءىرى موبيلدىك بايلانىس كومپانياسىنىڭ باس ديرەكتورىنا، الەممەن ءۇندىستاندى بىرىكتىرەتىن گولليۆۋد جۇلدىزىنا، ءوز ەلىنىڭ ورماندارىن قورعاۋ ءۇشىن ءوز ءومىرىن ارناعان ەكولوگقا بەرىلدى» دەي كەلە، ماراپاتقا ۇسىنىلعانداردىڭ ىشىندە بۇركىتشى بويجەتكەن رەتىندە كۇللى الەمگە تانىمال موڭعوليالىق ايشولپان دا بارلىعىن اتاپ وتكەن.

 «لاۋرەاتتاردى Asia Society جاھاندىق جەلىسىنىڭ مۇشەلەرى تاعايىنداپ، سايلايدى» دەپ مالىمدەيدى «قىتايدىڭ ورتالىق حالىق راديوسى» .

قاراحان مەملەكەتى داۋىرىنەن قالعان كەسەنە تابىلدى - TRT اگەنتتىگى


قاراحان مەملەكەتى داۋىرىندەگى كەسەنە تابىلدى - شەتەلدەگى قازاق ءتىلدى ب ا ق- قا شولۋ

تۇركيالىق راديو تەلەديدار اگەنتتىگى كۇللى تۇركىلەردىڭ تاريحىنا ورتاق مۇرالاردى ءاردايىم نازاردا ۇستاپ وتىرادى. بۇل جولى اتالعان سايت قىرعىزستاندا يسلام ءدىنىن قابىلداعان تۇڭعىش تۇرىك ەلى دەپ سانالاتىن قاراحان مەملەكەتىنەن قالعان كەسەنە تابىلعانى تۋرالى ءسۇيىنشىلى حاباردى ءوز وقىرماندارىمەن بولىسكەن.

«تۇرىك ىنتىماقتاستىق جانە كوورديناتسيا باسقارماسى مەن قىرعىزستان- تۇركيا ماناس ۋنيۆەرسيتەتى ەلدىڭ سولتۇستىگىندەگى نارىن ايماعىندا ارحەولوگيالىق قازبا جۇرگىزىپ جاتقان بولاتىن. كوچكور اۋدانى قۇم- ءدوبۇ اۋىلى ماڭىندا 840-1212 -جىلدارى بيلىك قۇرعان قاراحان مەملەكەتىندە سالىنعان تۋىندىلاردى جارىققا شىعارۋ ماقساتىندا باستالعان قازبا جۇمىستارى بارىسىندا ءبىر كەسەنە تابىلدى. جەرورتا تەڭىزى ۋنيۆەرسيتەتى كوركەم ونەر فاكۋلتەتى دەكانى پروف. وسمان ەراۆشار: «قىرعىزستاننىڭ نارىن ايماعىندا قازبا جۇمىستارى بارىسىندا شارشى جوسپارلى ءبىر كەسەنە تابىلدى» دەدى. ەراۆشار قازبا جۇمىستارىنىڭ ءبىرىنشى ساتىسىندا بەس مەتر تەرەڭدىكتە شارشى جوسپارلى قابىردىڭ 70 پايىزىنىڭ جارىققا شىعارىلعانىن ايتتى. بۇدان كەيىنگى ساتىدا ۋاقىتشا قورعاۋ ماقساتتى قورشاۋعا الىپ، عيماراتتىڭ رەستاۆراتسيا جۇمىستارى اتقارىلادى. قىرعىزستان- تۇركيا ماناس ۋنيۆەرسيتەتى ادەبيەت فاكۋلتەتى تاريح كافەدراسىنىڭ وقىتۋشىسى پروفەسسور قۋباتبەك تابالديەۆ بۇل كەسەنەنىڭ كىمدىكى ەكەنىن بىلگىسى كەلەتىنىن، ناقتى دالەلسىز بولسادا جورامال بارىن ايتتى» دەپ جازادى اتالعان سايت.

 «تابالديەۆ تۇركيانىڭ قولداۋىمەن جارىققا شىعارىلعان تاريحي عيماراتتىڭ تەك قىرعىزستان ءۇشىن عانا ەمەس، بۇكىل ورتالىق ازيا ايماعىنداعى ەلدەر مەن حالىقتار ءۇشىن ۇلكەن جاڭالىق ەكەنىن اتاپ كورسەتتى. ول عيماراتتىڭ ەكى بولىمنەن تۇراتىنىن، قۇرىلىسىندا كىرپىش قولدانىلعانىن باياندادى. بۇل كوشپەندى تۇرمىس سۇرگەن قىرعىز حالقىنىڭ وسى ايماقتارىندا مىڭ جىل بۇرىن وتىرىقشى ءومىر بولعانىنا بەلگى بولماق» دەپ تۇيىندەيدى TRT اگەنتتىگى.

 قابا اۋدانى القابەك اۋىلىندا كەستە كورگىزبەسى ءوتتى - «اعاجاي- التاي پورتالى»


قاراحان مەملەكەتى داۋىرىندەگى كەسەنە تابىلدى - شەتەلدەگى قازاق ءتىلدى ب ا ق- قا شولۋ
كەستە - قازاق قولونەرىنىڭ ەرەكشە ءتۇرىنىڭ ءبىرى. كەستە - سان عاسىرلار بويىنا حالقىمىزدىڭ تالانتتى ايەل ىسمەرلەرىنىڭ كوركەم قيالدارىن شەبەرلىك قۇدىرەتىمەن بەينەلەگەن اقىل- پاراساتتارىنىڭ جاۋھارى. نەبىر كەرەمەت كەستە ۇلگىلەرى ءالى كۇنگە دەيىن جالعاسىپ، ۇرپاقتان- ۇرپاققا جاڭعىرتىلىپ كەلەدى. كەستە ونەرى بۇگىنگى ۋاقىتتا اسىرەسە قىتايداعى قانداستارىمىز اراسىندا ءوز قۇنىن جويماي، جالعاسىپ كەلەدى. ءدال بۇل ءسوزىمىزدىڭ دالەلىندەي حاباردى وسى اپتادا قىتايداعى kz.ts.cn جازدى.

 «جۋىردا، التاي ايماعى قابا اۋدانى ساربۇلاق قالاشىعى القابەك اۋىلىندا «شەبەر ساۋساق وتباسى» كەستە كورگىزبەسى وتكىزىلدى. شاراعا قاتىسقان 60 تۋىندىنىڭ كوبى اۋىل تۇرعىندارىنىڭ ءوز ۇيلەرىندە جاساپ اكەلگەن قولونەر بۇيىمدارى ەكەن. اتالعان كەستە ونەرى باسەكەسىندە 45 جاستاعى نۇرزادا ماعىمەت قىزى توتى قۇستىڭ تۇرلەنگەن كەستەسىن اكەلىپ بىرىنشىلىكتى ەنشىلەدى» دەپ جازادى «اعاجاي- التاي پورتالى» . اتالعان اقپارات كوزى بۇل جازبانى جۇلدە يەسى ن. ماعىمەت قىزىنىڭ «ۇلتىمىزدىڭ كەستەمەن تىگىلگەن بۇيىمدارى ەرەكشە كوركەمدىككە يە بالادى، سوندىقتان ونى پايدالانعان قانداي ۇلت وكىلى بولسا دا ۇناتىپ، ۇيلەرىنە كورىنىسكە قويىپ، سودان كوركەمدىك ءلاززات الا الادى» دەگەن سوزىمەن تۇيىندەگەن.

 استاناداعى «التىن جەبەگە» قاتىساتىن موڭعول سپورتشىلارى بەلگىلى بولدى - kaznews.mn


قاراحان مەملەكەتى داۋىرىندەگى كەسەنە تابىلدى - شەتەلدەگى قازاق ءتىلدى ب ا ق- قا شولۋ

وسىلاي دەپ حابارلاعان موڭعول ەلىنىڭ اقپاراتتىق پورتالى «ەكسپو-2017» حالىقارالىق كورمەسىنە وراي استانادا وتەتىن الەمدىك جارىسقا جامبى اتۋدان ءوز ەلىندەگى سپورتشىلاردىڭ قىزۋ دايىندالعانىن ايتادى. «تامىز ايىنىڭ 11-13 كۇندەرى «ەكسپو-2017» حالىقارالىق كورمەسى اياسىندا استانا قالاسىنىڭ «قازانات» اتشابارىندا ق ر- نىڭ مادەنيەت جانە سپورت مينيسترلىگى جانە «تۇركى حالىقتارىنىڭ ءداستۇرلى سپورت تۇرلەرى قاۋىمداستىعىنىڭ» ۇيىمداستىرۋىمەن جامبى اتۋدان «التىن جەبە» اتتى  حالىقارالىق تۋرنير وتەدى. بۇل تۋرنيرگە موڭعوليادان ەرلەر سايىسىنا د. وتگوننيامبا، قىزدار سايىسىنا گەرەلچۋلۋۋندار قاتىسۋعا جولداما الدى» دەپ جازادى kaznews.mn.

 

اۆتور: بەيسەن سۇلتان


باستى سوزدەر: قوعام,
:ءبولىسۋ
ونلاين قىزمەتكەرلەر
مۇراعات