+7 (701) 759 90 19 Лента
14 °С : استانا
32 °С : الماتى
USD 346.68 EUR 404.02
RUB 5.47 CNY 51.15
جاڭالىقتار

اقمولا وبلىسىنىڭ كەرەمەت جەرلەرىندە الەمدىك «جىلقى» فيلمىنىڭ ءتۇسىرىلىمى باستالادى

13 تامىز 09:37 686
:ءبولىسۋ
اقمولا وبلىسىنىڭ كەرەمەت جەرلەرىندە الەمدىك «جىلقى» فيلمىنىڭ ءتۇسىرىلىمى باستالادى

استانا. قازاقپارات - اقمولا وبلىسى اقكول اۋدانىنىڭ اۋماعىندا «EQUUS» (جىلقى) اتتى دەرەكتى تريولوگياسىنىڭ تۇسىرىلىمىنە دايىندىق جۇمىستارى قىزۋ ءجۇرىپ جاتىر.

 وسى ورايدا فيلم تۇسىرىلەتىن الاڭمەن ق ر اقپارات جانە كوممۋنيكاتسيالار ءمينيسترى داۋرەن ابايەۆ تانىسىپ قايتتى، دەپ حابارلايدى قازاقپارات.

اقپاراتتىق تۋرعا «قازاقستان» ر ت ر ك» ا ق باسقارما ءتوراعاسى ەرلان قارين، سونداي- اق بۇقارالىق اقپارات قۇرالدارىنىڭ وكىلدەرى قاتىستى. اعىمداعى جىلى 28 - تامىزدا اقمولا وبلىسىندا «EQUUS» دەرەكتى تريلوگياسىنىنىڭ ءتۇسىرىلىمىن باستاۋ جوسپارلانىپ وتىر. فيلم اياسىندا 1 مىڭعا جۋىق جىلقى ءتۇسىرۋ الاڭىندا يىرىلەدى دەپ كۇتىلۋدە. «ەلباسىنىڭ «بولاشاققا باعدار: رۋحاني جاڭعىرۋ» اتتى ماقالاسى جاريالانعاننان كەيىن ءبىز وسىنداي جوبانى قولعا الىپ جاتىرمىز. وعان تەك قازاقستاننىڭ تەلەارنالارى عانا ەمەس، سونىمەن قاتار كانادا، ا ق ش، فرانتسيا جانە گەرمانيانىڭ ماماندارى بىرلەسىپ جۇمىس ىستەۋدە. عالىمداردىڭ مالىمەتىنە قاراعاندا، ءبىزدىڭ ەلدىڭ اۋماعىندا جىلقى العاش قولعا ۇيرەتىلگەنى تۋرالى دەرەكتەر بار. وسى ورايدا بوتاي قونىسى جايىندا ءجيى ايتىلادى. سوندىقتان 50 مەملەكەت بۇل ۇلكەن جوبانى ساتىپ الۋعا دايىن» ، - دەپ توقتالدى مينيستر.


اقمولا وبلىسىنىڭ كەرەمەت جەرلەرىندە الەمدىك «جىلقى» فيلمىنىڭ ءتۇسىرىلىمى باستالادى
داۋرەن ابايەۆتىڭ سوزىنە قاراعاندا، فيلمدى ءتۇسىرۋ الدىندا اۋقىمدى جۇمىستار جۇزەگە اسىرىلدى. «بۇل جوباعا قازاقستان تاراپى قوماقتى قارجى بولگەن جوق، ياعني شەتەلدىك سەرىكتەستەر ەكى- ءۇش ەسە ارتىق قارجىنى جوباعا سالىپ وتىر» ، - دەدى ۆەدومستۆو باسشىسى. ءوز كەزەگىندە تريلوگيانىڭ پروديۋسەرى نۇربول بايمۇحانوۆ فيلم بۇگىندە جىلقىلار كوپتەپ كەزدەسەتىن الەمنىڭ 20 ەلىندە تۇسىرىلگەنىن اتاپ ءوتتى. «وسى ورايدا تاريحي جاڭعىرتۋ جۇمىستارى قازاقستان اۋماعىندا اتقارىلىپ جاتقاندىعى ءبىز ءۇشىن ۇلكەن مارتەبە. ءبىز ءتورت كەزەڭدى قامتيمىز، ياعني اڭشىلار- تەرىمشىلەر، بوتايلىقتار، اندرونوۆ مادەنيەتى جانە تۇركىلەر كەزەڭدەرىنەن دەرەكتەردى جاريالايمىز. اتاپ ايتقاندا، ەكى ماڭىزدى ەپيزودتى قوسقىمىز كەلەدى: ساقتار مەن قازاق حاندىعى» ، - دەدى ن. بايمۇحانوۆ.

اقمولا وبلىسىنىڭ كەرەمەت جەرلەرىندە الەمدىك «جىلقى» فيلمىنىڭ ءتۇسىرىلىمى باستالادى


اقمولا وبلىسىنىڭ كەرەمەت جەرلەرىندە الەمدىك «جىلقى» فيلمىنىڭ ءتۇسىرىلىمى باستالادى
سونىمەن قاتار فيلم بويىنشا عىلىمي كەڭەسشى، ارحەولوگ ۆيكتور زايبەرت بوتاي مادەنيەتى ارقىلى الەمدە العاش رەت جىلقى قازاق جەرىندە قولعا ۇيرەتىلگەنى ناقتى دالەلدەنگەنىن جەتكىزدى. «وسى دەرەكتەر 1980 -جىلى دالەلدەنگەن بولاتىن. 37 جىل قاتارىنان زەرتتەۋ جۇمىستارى ءجۇرىپ جاتىر. بىرنەشە جىل بۇرىن نۇربول بايمۇحانوۆ بوتاي مادەنيەتىن بارشا الەمگە كورسەتۋ شەشىمىن جاسادى. سەبەبى ءبىز 15 جىلدان استام ۋاقىت بويى  ۇلىبريتانيا، ا ق ش، گەرمانيا جانە رەسەي ارحەلوگتارىمەن بىرلەسە جۇمىس ىستەۋدەمىز. زەرتتەۋلەردىڭ ارقاسىندا جەردەگى ۇلى يننوۆاتسيالار باستاۋ العان اۋماقتىڭ ءبىرى قازاقستان ەكەنىن دالەلدەدىك. بارىنەن بۇرىن بۇل يننوۆاتسيا وركەنيەتتىڭ جاڭا كەزەڭىنە اياق باسۋمەن بايلانىستى، ياعني اتتى نومادتار ءداۋىرى. كوپ جىلدار قاتارىنان ماتەريالدىق قۇندىلىقتاردىڭ كوپتەگەن ەلەمەنتتەرىن قايتا قالپىنا كەلتىردىك» ، - دەيدى عالىم.


اقمولا وبلىسىنىڭ كەرەمەت جەرلەرىندە الەمدىك «جىلقى» فيلمىنىڭ ءتۇسىرىلىمى باستالادى
سونىمەن قاتار ول زەرتتەۋلەر كەزىندە ماڭىزدى ارتەفاكتىلەر انىقتالعانىن، ات ابزەلدەرىن زەرتتەگەن امەريكالىق جانە اعىلشىن عالىمدارى ولاردىڭ ماڭىزدىلىعىن راستاعانىن اتاپ ءوتتى. «ەڭ ماڭىزدى دالەلدىڭ ءبىرى - قىمىزدىڭ مولەكۋلالارىنان قۇرالعان قىشتىڭ انىقتالۋىنا قاتىستى بولدى. 6 مىڭ جىل بۇرىن وسىندا ادامدار قىمىز ءىشىپ، جانۋارلاردى قولعا ۇيرەتۋمەن اينالىسقانى انىقتالدى» ، - دەدى ۆيكتور زايبەرت.

اقمولا وبلىسىنىڭ كەرەمەت جەرلەرىندە الەمدىك «جىلقى» فيلمىنىڭ ءتۇسىرىلىمى باستالادى


اقمولا وبلىسىنىڭ كەرەمەت جەرلەرىندە الەمدىك «جىلقى» فيلمىنىڭ ءتۇسىرىلىمى باستالادى
 بۇدان بۇرىن حابارلانعانداي، «قازاقستان» رترك «Clearwater Documentary Inc.» كومپانياسىمەن بىرلەسە وتىرىپ، «EQUUS»  (جىلقى) اتتى دەرەكتى تريولوگيا جوباسىن باستاماق. جوبانىڭ ماقساتى - ادامزات تاريحىنىڭ جاڭا قىرلارىن اشىپ كورسەتۋ. دەرەكتى تريلوگيا بويىنشا كانادالىق رەجيسسەر، انتروپولوگ نايوبي تومپسون جۇمىس ىستەيتىن بولادى. بىرلەسكەن جوبا 2018 -جىلى اياقتالىپ، كوپشىلىك نازارىنا ۇسىنىلادى دەپ كۇتىلۋدە. اتالمىش تۋىندى الەمنىڭ 50 دەن استام ەلىندە ميلليونداعان اۋديتوريا جينايدى دەپ كۇتىلۋدە.

 
اقمولا وبلىسىنىڭ كەرەمەت جەرلەرىندە الەمدىك «جىلقى» فيلمىنىڭ ءتۇسىرىلىمى باستالادى

 اۆتور: رۋسلان عابباسوۆ


باستى سوزدەر:
:ءبولىسۋ
سونداي-اق... وقىڭىز
ونلاين قىزمەتكەرلەر
مۇراعات