+7 (701) 759 90 19 Лента
14 °С : استانا
32 °С : الماتى
USD 346.68 EUR 404.02
RUB 5.47 CNY 51.15
جاڭالىقتار

ۇلتتىق ونەردى ۇلىقتايتىن «مەن قازاقپىن» جوباسىنىڭ قازىلار القاسى انىقتالدى - فوتو

12 تامىز 18:41 515
:ءبولىسۋ
ۇلتتىق ونەردى ۇلىقتايتىن «مەن قازاقپىن» جوباسىنىڭ قازىلار القاسى انىقتالدى - فوتو

استانا. قازاقپارات - ۇلتتىق ونەردى ۇلىقتاپ، قازاقتىڭ ءانى، تەرمەسى جانە كۇيى بويىنشا ەڭ ۇزدىكتەردى انىقتايتىن «مەن قازاقپىن» جوباسىنىڭ بىرىنشى اينالىمىنىڭ ءادىل قازىلار القاسى انىقتالدى، دەپ حابارلايدى «قازاقپارات» ح ا ا ءتىلشىسى.

بۇل تۋرالى «قازاقستان» ر ت ر ك باسشىسى ەرلان قارين ءوزىنىڭ فەيسبۋك پاراقشاسىندا جازدى.

قازىلار تىزىمىندە قازاق ۇلتتىق ونەر ۋنيۆەرسيتەتىنىڭ دوتسەنتى، شەرتپە كۇيدىڭ شەبەرى - جانعالي جۇزبايەۆ، ق ر ەڭبەك سىڭىرگەن ءارتىسى، كۇيشى - ايگۇل ۇلكەنبايەۆا، ق ر ەڭبەك سىڭىرگەن قايراتكەرى، ءداستۇرلى ءانشى - تولعانباي سەمبايەۆ، ق ر ەڭبەك سىڭىرگەن قايراتكەرى، جىرشى - ۇلجان بايبوسىنوۆا، ق ر مادەنيەت قايراتكەرى، ءداستۇرلى ءانشى - ارداق يساتايەۆا، ەلىمىزدىڭ ەڭبەك سىڭىرگەن قايراتكەرى، تەرمەشى - اماندىق كومەك ۇلى سياقتى ونەر مايتالماندارى بار. جانە جوبانىڭ حالىقارالىق دەڭگەيىنە بايلانىستى، قىتاي حالىق رەسپۋبليكاسىنىڭ 1- دارەجەلى كومپوزيتورى، پروفەسسور باعدات ەستەمەس اعامىزدى ءادىلقازىلار القاسىنا مۇشە بولۋعا شاقىردىق. ال قازىلار القاسىنىڭ ءتوراعاسى بولىپ بەلگىلى مەملەكەت جانە قوعام قايراتكەرى - مىرزاتاي جولداسبەكوۆ اعامىز سايلاندى»، - دەپ جازدى تەلەارنا باسشىسى.

 
ۇلتتىق ونەردى ۇلىقتايتىن «مەن قازاقپىن» جوباسىنىڭ قازىلار القاسى انىقتالدى - فوتو

ايتا كەتەيىك، «مەن قازاقپىن» جوباسىنىڭ ماقساتى - رەسپۋبليكامىزدىڭ جانە باسقا ەلدەرگە قونىس اۋدارعان قانداستارىمىزدىڭ ءداستۇرلى ءانشى- تەرمەشى، كۇيشىلەرى ۇلتتىق ارنادا باس قوسىپ، ەلىمىزدىڭ تاڭداۋلى تۋىندىلارىن دارىپتەۋ ارقىلى، اتادان- بالاعا ميراس بولىپ قالعان ءتول ونەرىمىز كۇي، جىر-تەرمەنى زامانعا ساي جاڭاشالاندىرىپ، بولاشاق ۇرپاققا كەڭىنەن تانىتۋ. بايقاۋدا بارلىعى 675 ونەرپاز باق سىناپ، ەڭ ۇزدىك دەپ تانىلعان 57 ۇمىتكەر رەسپۋبليكالىق تەلەۆيزيالىق بايقاۋعا جولداما الدى.

 
ۇلتتىق ونەردى ۇلىقتايتىن «مەن قازاقپىن» جوباسىنىڭ قازىلار القاسى انىقتالدى - فوتو


باستى سوزدەر: مادةنيةت,
:ءبولىسۋ
ونلاين قىزمەتكەرلەر
مۇراعات