+7 (701) 759 90 19 Лента
14 °С : استانا
32 °С : الماتى
USD 346.68 EUR 404.02
RUB 5.47 CNY 51.15
جاڭالىقتار

سۋرەتكە «ەكى ساۋساقتى شوشايتىپ» ءتۇسۋدىڭ ماعىناسىن بىلەسىز بە؟

12 تامىز 13:30 779
:ءبولىسۋ
سۋرەتكە «ەكى ساۋساقتى شوشايتىپ» ءتۇسۋدىڭ ماعىناسىن بىلەسىز بە؟

استانا. قازاقپارات - جەلى قولدانۋشىلارى اراسىندا ەكى ساۋساقتى شوشايتىپ سۋرەتكە ءتۇسۋدىڭ ماعىناسىنا بايلانىستى داۋ تۋدى.

ءتۇرلى ەلدەر مەن ادامدار اراسىندا وسى ءبىر سانگە اينالعان ادەتكە قاتىستى پىكىرلەر دە كوپ ەكەن.

«ماعان وسىنىڭ نە ەكەنىن تۇسىندىرەتىن جان بار ما؟ سۋرەتكە تۇسسە ۇلكەن دە، كىشى دە وسىلاي (ساۋساعىنشوشايتىپ) تۇرعانى. مەنىڭ ءبىلۋىم بويىنشا بۇل «سەنىڭ ءمۇيىزىڭ بار مالسىڭ، سەبەبى سەنىڭ قاتىنىڭ ءجۇرىس جاسايدى دەگەن بەلگى»، - دەيدى ابدىرەيىم ءومىروۆ ەسىمدى ازامات.

مىنە وسى جازبادان كەيىن وسى ءبىر ادەتتىڭ ماعىناسىنا ونداعان پىكىر ايتىلدى. سۋرەتكە ساۋساق كوتەرىپ ءتۇسۋدىڭ ماعىنالارى:

« بۇل- V ءارپىنىڭ بەلگىسى. بۇل ءۇردىس ەۋروپادان كەلگەن. ماعىناسى: جەڭىس. Victory -  جەڭىس ياعني ءبارى جاقسى، جەڭدىك، كوڭىل جايىندا دەگەندى بىلدىرەدى»، - دەپ جازعان رۋسلان قامباروۆ ەسىمدى ازامات.

«اللا ەكەۋ دەگەندى بىلدىرەدى. مۇنى يسلامعا قارسىلار ويلاپ شىعارعان»، - دەيدى عابيت نۇرحان ۇلى دەگەن جەلى قولدانۋشىسى.

«بۇل مەن ءۇشىن وتە جامان كورىنىس. ۆانگا بۇنى ءىبىلىستىڭ قوس قۇلاعى دەپ تۇسىندىرگەن»، - دەيدى ديانا وسپانوۆا.

«ەۋروپالىقتار مۇنى «مەنىڭ دە پىكىرىم بار» دەگەن ماعىنادا قولدانادى. قىسقا مەرزىمدى ساباق الىپ جۇرگەن كەزىمدە «قوس ساۋساقتارىڭدى كوتەرىپ، سۇراقتارىڭدى نەمەسە جاۋاپتارىڭدى ايتىڭدار» دەيتىن. سوندىقتان بۇدان ارتىق استار ىزدەمەگەن دۇرىس شىعار»، - دەيدى جۇسىپبەك تىلەۋبەرگەنوۆ.

«مەنىڭشە سۋرەتكە تۇسكەن كەزدە قولدى قايدا جىبەرەرىڭدى بىلمەي قالاسىڭ. سول كەزدە وسىلاي شوشايتىپ جىميا قالاسىڭ. ماسەلە شەشىلدى، بولدى. كەز-كەلگەن دۇنيەنى جاماندىققا جورۋدى قويايىقشى»، - دەگەن تاعى ءبىر جەلى قولدانۋشىسى.

«وسى جەردە ءبىراز پىكىر جازىلىپتى ، جەڭىس ، مەنىڭ دە ايتارىم بار، پرەسي- مير ت. ب. دەگەن. بىرەۋىنىڭ دە سۋرەتكە تۇسۋگە قاتىسى جوق. بۇل باياعىدا باستالعان نارسە.

جاستار سۋرەتكە تۇسەيىن دەپ جاتقاندا ارتىنداعىلار الدىڭعىنىڭ باسىنا ءمۇيىز ەتىپ قوياتىن. بىلسە قويدىرماۋعا تىرىساتىن. ول سۋرەت شىعا قويسا جىرتىلاتىن. كەلە-كەلە ول نورماعا اينالدى. سونسىز ۇلكەن دە ، كىشى دە تۇسە المايتىن بولدى. ال مەن ءۇشىن ول اقىماقتىق»، - دەيدى ابدرەيىم ءومىروۆ.

«تۇرىكتەر قولىن وسىلاي كوتەرىپ تۇسكەن قىزدى دۇرىس قابىلدامايدى. «جامان، بۇزىلعان قىز» دەپ قالۋى ابدەن مۇمكىن ەكەن»، - دەيدى جانار ەسەنبەكوۆا.

« كەيىننەن "V" - Victoria - جەڭىس ماعاناسىن بەرگەن بۇل يشارانىڭ تاريحى مىناداي: اعىلشىندار مەن فرانسۋزدار اراسىنداعى 100 جىلدىق سوعىس (1337-1453 ج ج.) كەزىندە، اعىلشىنداردىڭ اۋىر ساداقشىلارى فرانسۋزداردىڭ زارەسىن العان.

ولار ساپ قۇرىپ تۇرىپ اتقان جەبە 400 مەترگە دەيىن جەتكەن ەكەن. جانە اتقان وقتارى دا ساۋىت بۇزار (كوشپەندىلەر تىلىندە «قانداۋىر») جەبە بولعان. سودان، ىسىلداپ ۇشاتىن جەبەدەن ابدەن زارەزاپ بولعان فرانتسۋزدار تۇتقىنعا تۇسكەن اعىلشىن ساداقشىسىنىڭ ادىرنا (تەتيۆا) تارتاتىن ەكى ساۋساعىن شاۋىپ تاستاپ وتىرعان.

ال سوعىستان ەلىنە امان قايتقان اعىلشىن ساداقشىسى كەمەدەن تۇسكەن بويدا ەكى ساۋساعىن كورسەتىپ، تۇتقىنعا تۇسپەي، امان- ساۋ ورالعانىن سەزدىرگەن. كەيىننەن بۇل يشارا جەڭىسپەن ورالعان اسكەردىڭ سيمۆولىنا اينالدى»، - دەپ ءتۇسىندىردى تانىمال جۋرناليست ەرمۇرات باپي.

ال ءسىز قالاي ويلايسىز؟ سۇق ساۋساعىڭىز بەر ورتاڭعى ساۋساعىڭىزدى كوتەرىپ سۋرەتكە ءتۇستىپ كوردىڭىز بە؟ ۇسىنىلعان انىقتامالاردىڭ قاي نۇسقاسى دۇرىس دەپ ويلايسىز؟

 


باستى سوزدەر: الةم, قوعام,
:ءبولىسۋ
ونلاين قىزمەتكەرلەر
مۇراعات