+7 (701) 759 90 19 Лента
13 °С : استانا
30 °С : الماتى
USD 346.68 EUR 404.02
RUB 5.47 CNY 51.15
جاڭالىقتار

ءبىر كۇندە ۇيلەنگەن ەگىزدەر بالالارىنىڭ تۇساۋكەسەرىن دۇركىرەتىپ وتكىزدى - فوتو

12 تامىز 12:07 741
:ءبولىسۋ
ءبىر كۇندە ۇيلەنگەن ەگىزدەر بالالارىنىڭ تۇساۋكەسەرىن دۇركىرەتىپ وتكىزدى - فوتو

استانا. قازاقپارات - جاقىندا ۇزاقبايەۆتار اۋلەتى نەمەرەلەرىنىڭ 1 جاس مەرەيتويىن دۇركىرەتىپ اتاپ ءوتتى.

اقتاۋلىق تورەبەك پەن جولداسبەك ەسىمدى ەگىزدەر وسىدان 2 -جىل بۇرىن ەگىز قىزدارمەن شاڭىراق كوتەرىپ، پەرزەنت سۇيگەن بولاتىن.

بۇل تۋرالى Facebook جەلىسىنىڭ قىزىقتى ستۋديا پاراقشاسىندا جاريالاندى.

« ۇلىمىز امىربەك 2016 -جىلدىڭ قىركۇيەگىندە دۇنيە ەسىگىن اشتى، امىربەك دەپ ەسىمىن اكەم قويدى. ءامىر - تاريحتان بەلگىلى ءامىر تەمىر قولباسشىنىڭ ەسىمى بولسا، ال بەك - حان، سۇلتان دەگەن ماعىنانى بىلدىرەدى. ال ەگىزىم تورەبەكتىڭ قىزى اقجىبەك سول جىلى قازان ايىندا دۇنيەگە كەلدى. جىبەكتەي جۇمساق، نازىك جاندى، ۇياڭ بولسىن دەگەن نيەتپەن اتىن ىرىمداپ انام قويدى»، - دەيدى جولداسبەك.

ولار سابيلەرىنە كوز تيمەس ءۇشىن قازاقى ىرىمداردى جاسايتىندارىن ايتتى.

«ءوزىمىز ەگىزبىز، ەگىز قىزدارعا ۇيلەندىك، كوپ ۇزاماي بالالى بولدىق. ءبىز تۋرالى جۋرناليستەر كوپ جازدى. كوز تيمەسىن دەپ بالالارىمىزدىڭ قولىنا الا ءجىپ تاعىپ، جەيدەسىنە تۇيرەۋىش قادايمىز»، - دەيدى تورەبەك.


ءبىر كۇندە ۇيلەنگەن ەگىزدەر بالالارىنىڭ تۇساۋكەسەرىن دۇركىرەتىپ وتكىزدى - فوتو

جاستار ورال قالاسىندا تانىسقان. ولار 2015 -جىلى قازاندا شاڭىراق قۇردى.

جىگىتتەر 10 مينۋت ارالىقپەن تۋعان. اسىل جانە ايىممەن ءبىرىنشى بولىپ ەگىز جىگىتتەردىڭ كىشىسى جولداسبەك تانىسىپتى.

«ول دۇكەنگە اياق كيىم ساتىپ الۋ ءۇشىن كەلدى. وزىنە تاڭدادى دا ساتۋشى ايىمنان تاعى وسىنداي اياق كيىمدى سۇرادى. «سەنىڭ ەگىزىڭ بار ما؟» دەپ سۇرايدى. ول «ءيا» دەپ جاۋاپ بەرەدى. سول كەزدە قىز وعان ءوزىنىڭ ەگىزى جايلى ايتقان. قوس ەگىزدەر بالالاردىڭ بولاشاعىنان زور ءۇمىت كۇتەدى.


ءبىر كۇندە ۇيلەنگەن ەگىزدەر بالالارىنىڭ تۇساۋكەسەرىن دۇركىرەتىپ وتكىزدى - فوتو


باستى سوزدەر: قوعام,
:ءبولىسۋ
ونلاين قىزمەتكەرلەر
مۇراعات