+7 (701) 759 90 19 Лента
13 °С : استانا
30 °С : الماتى
USD 346.68 EUR 404.02
RUB 5.47 CNY 51.15
جاڭالىقتار

قازاقستاندىق وقۋشى قىزدار كاليفورنيادا گۋگل كورپوراتسياسىنىڭ باسشىسىمەن كەزدەستى - فوتو

12 تامىز 09:53 1665
:ءبولىسۋ
قازاقستاندىق وقۋشى قىزدار كاليفورنيادا گۋگل كورپوراتسياسىنىڭ باسشىسىمەن كەزدەستى - فوتو

استانا. قازاقپارات - كاليفورنيا شتاتىندا وتكەن Technovation Challenge بايقاۋىنىڭ باس جۇلدەسىن يەلەنگەن قازاقستاندىق وقۋشى قىزدار وزدەرىنىڭ جوبالارىن Google كورپوراتسياسىنىڭ ديرەكتورى سۋندار پيچايگە تانىستىردى، دەپ حابارلايدى «قازاقپارات» ح ا ا ءتىلشىسى.

«قازاقستاندىق Technovation كومانداسى Google-دىڭ باس ديرەكتورى سۋندار پيچايگە Google-دىڭ شتاب- پاتەرىندە ءوز جوبالارىن ۇسىندى»، - دەلىنگەن قازاقستانداعى ا ق ش ەلشىلىگىنىڭ ينستاگرام- اككاۋنتىندا. الماتىداعى ا ق ش- تىڭ باس كونسۋلدىعى بۇعان دەيىن حابارلاعانداي، Technovation World Pitch سامميتىنە ءارتۇرلى ەلدەردەن التى كوماندا قاتىسىپ وتىر. وندا قازاقستان نامىسىن بىردەن ەكى كوماندا قورعاۋدا. 


قازاقستاندىق وقۋشى قىزدار كاليفورنيادا گۋگل كورپوراتسياسىنىڭ باسشىسىمەن كەزدەستى - فوتو

#MakerspaceAlmaty «/flash»  كومانداسى الەمنىڭ تۇكپىر- تۇكپىرىنەن كەلگەن 100 دەن استام كوماندانى ارتتا قالدىرىپ، ەندى، ءوز يدەيالارىن سيليكون القابىندا ءوتىپ جاتقان World Pitch سامميتىندە تانىستىرۋدا. «/ Flash» - جوعارى سىنىپتا وقيتىن ءتورت قىزدان قۇرالعان كوماندا.

ولار ءوز تالىمگەرلەرىمەن بىرگە جاسوسپىرىمدەردىڭ قاۋىپسىزدىگىن ارتتىرۋعا باعىتتالعان موبيلدىك قوسىمشا - «QamCare» نى جاساپ شىعارۋ ءۇشىن ايلاپ تەر توكتى. «QamCare» جەتكىنشەكتەرگە قاۋىپتى جاعداي كەزىندە وزدەرىنىڭ GPS كوورديناتتارىن جاقىندارىنا جىبەرۋگە ارنالعان. Technovation - بۇل جاس ايەل ازاماتتارىنا تەحنولوگيالار مەن كاسىپكەرلىكتىڭ ارقاسىندا ءوز قوعامىنداعى تۇيىتكىلدەردى شەشە وتىرىپ، كوشباسشى جانە نوۆاتور بولۋعا مۇمكىندىك بەرەتىن جاھاندىق باستاما.

Makerspace جوباسى تەحنولوگيالاردىڭ كومەگىمەن يننوۆاتسيالارعا، شىعارماشىلىققا جانە پروبلەمالاردىڭ شەشىلۋىنە قولداۋ بىلدىرەتىن جاھاندىق قوزعالىستىڭ ءبىر بولىگى بولىپ تابىلادى.

  
قازاقستاندىق وقۋشى قىزدار كاليفورنيادا گۋگل كورپوراتسياسىنىڭ باسشىسىمەن كەزدەستى - فوتو

اۋدارما: ميرا تولەندى قىزى


باستى سوزدەر: الةم, ئقپالداستئق,
:ءبولىسۋ
ونلاين قىزمەتكەرلەر
مۇراعات