+7 (701) 759 90 19 Лента
19 °С : استانا
7 °С : الماتى
USD 327.42 EUR 383.51
RUB 5.29 CNY 51.26
جاڭالىقتار

ەلىمىز كاراتە- دودان ازيا چەمپيوناتىندا سەگىز التىن مەدال يەلەندى

18 شىلدە 00:06 1127
:ءبولىسۋ
ەلىمىز كاراتە- دودان ازيا چەمپيوناتىندا سەگىز التىن مەدال يەلەندى

استانا. قازاقپارات - استانادا كاراتە- دودان جاسوسپىرىمدەر مەن ەرەسەكتەر اراسىنداعى قۇرلىق ارالىق بىرىنشىلىك مارەسىنە جەتتى. قازاقستان قۇراماسى جارىستىڭ ۇزدىك ۇشتىگىنە ەندى. قازاقستان قۇراماسىنىڭ قورجىنىندا 8 التىن، 6 كۇمىس جانە 13 قولا مەدال بار.

جاسوسپىرىمدەر اراسىندا چەمپيوندىق ستاتۋسقا سوفيا عاليمزيانوۆا (54 ك گ دەيىن)، اسەل قاناي (59 ك گ دەيىن)، سوفيا بەرۋلتتسيەۆا (59 ك گ دەيىن)، دۋلات مامىر (70 ك گ دەيىن) جانە نۇرتىلەس تىنىسبەك (76 ك گ) قول جەتكىزدى.

21 جاسقا دەيىنگى ساناتتا جەڭىسكە ءمولدىر جاڭبىرباي جەتتى. ەرەسەكتەر اراسىندا التىندى ەلىمىزدىڭ اتىنان توكيو-2020 وليمپياداسىنا قاتىساتىن باستى ۇمىتكەر، ازيا ويىندارىنىڭ التىنىن العان اقتوبەلىك اندرەي اقتاۋوۆ يەلەندى. اقتىق باسەكەدە ول يراندىق حاسساننيادەلام مادجيدتتەن ۇپاي سانىمەن باسىم ءتۇستى. قازاقستاننىڭ رەيتينگى ەڭ جوعارى كاراتيسى رينات ساعىندىقوۆ چەمپيوندىق ستاتۋسىن ساقتاپ قالا المادى. ەل قۇراماسىنىڭ تاعى ءبىر كوشباسشىسى چەمپيونات التىنىنا قول جەتكىزە المادى.

 دانيار يۋلداشيەۆ 84 كەلىگە دەيىنگى سالماقتا اقتىق باسەكەدە جاپوندىق يجيزۋكە ماسايامەن كەزدەسىپ، ازيا چەمپيونى اتاعىن ۋىسىنان جىبەرىپ الدى. جارىس قورىتىندىسى بويىنشا كۇمىستى قانجىعالادى. 19 التىن مەدال ۇتقان يران كاراتيستەرى ازيا بىرىنشىلىگىنىڭ كوشباسشىسى اتاندى. جالپى كوماندالىق ەسەپتە 16 التىنمەن جاپونيا قۇراماسى ەكىنشى ورىننان تابىلسا، قازاقستاندىق قۇراما ءۇشىنشى ساتىدان كورىندى.

 ايتا كەتەيىك، 2016 -جىلى حالىقارالىق وليمپيادا كوميتەتى كاراتە- دونى 2020 -جىلعى وليمپيادا باعدارلاماسىنا ەنگىزدى. چەمپيوناتتا جينالعان ۇپايلار سپورتشىلاردىڭ ءتورت جىلدىق باستى ويىندارىنا ليسەنزيا الۋ كەزىندە ەسكەرىلەدى.

www.khabar.kz  


باستى سوزدەر: سپورت,
:ءبولىسۋ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
باقىتجول كاكەش
باقىتجول كاكەش
954-049
مۇراعات