قازاقستاندا Zoom ينتەرنەت-الاڭىنىڭ بالاماسى جاسالا ما
بۇل سۇراققا ءبىلىم جانە عىلىم ءمينيسترى اسحات ايماعامبەتوۆ جاۋاپ بەردى، دەپ حابارلايدى قازاقپارات ءتىلشىسى.
«جالپى بۇل باعىتتا مەنىڭ ۇستانىمىم مىناداي: مەملەكەتتىڭ ەسەبىنەن ينتەرنەت- الاڭ بولسىن، باسقا دا پلاتفورما بولسىن قۇرۋعا قارسىمىن. تاجىريبە كورسەتىپ وتىرعانداي، بۇل ءىستىڭ ارتى جاقسى بولمايدى»، - دەدى اسحات ايماعامبەتوۆ ءبىلىم جانە عىلىم مينيسترلىگىنىڭ ونلاين فورماتتاعى تىلشىلەرمەن كەزدەسۋىندە.
ءبىلىم جانە عىلىم ءمينيسترى وتاندىق ءبىلىم بەرۋ جۇيەسىندە ۇلتتىق ءبىلىم بەرۋ دەرەك قورى بارىن جەتكىزدى. ونىڭ ىشىندە جەكە مالىمەتتەر بار.
«بۇل - باستى ءارى مەملەكەتتىك بازا. ول كەزىندە قۇرىلعان. سونى پايدالانىپ، دامىتامىز. Kundelik ،Daryn ،online، Bilimland سەكىلدى كوپتەگەن جۇيەنى مەملەكەتتىك جۇيەمەن اۋىستىرۋدىڭ مەنىڭشە قاجەتتىگى جوق. مەن نارىققا كوبىرەك سەنەمىن. باسەكەلەستىك بولۋى كەرەك»، - دەدى اسحات ايماعامبەتوۆ.