12:02, 22 - ماۋسىم 2021 | GMT +6
گەرمانيادا قوقىس جاشىگىنەن XVII عاسىردىڭ قۇندى تۋىندىلارى تابىلدى
نۇر- سۇلتان. قازاقپارات - نەمىس پوليتسياسىنا 64 جاستاعى جەرگىلىكتى تۇرعىن قوڭىراۋ شالىپ، ورەنباح قالاسىنىڭ ماڭىندا ورنالاسقان ايالداماداعى قوقىس جاشىگىنەن XVII عاسىردىڭ ەكى سۋرەتىن تاپقاندىعىن ءمالىم ەتكەن، دەپ حابارلايدى قازاقپارات The Guardian-عا سىلتەمە جاساپ.
وفيتسەرلەردىڭ ايتۋىنشا، ولار پولوتنولاردى باعالاۋ ءۇشىن تاپسىرعان ونەرتانۋشىلار مايلى سۋرەتتەردىڭ ەكەۋى دە ءتۇپنۇسقا دەگەن قورىتىندىعا كەلگەن.
ساراپشىلار بالانىڭ پورترەتىن بەينەلەيتىن سۋرەتتەردىڭ ءبىرىن رەمبراندتتىڭ شاكىرتى، گوللانديالىق سۋرەتشى سامۋەل ۆان حۋگستراتەن (1627-1678) سالۋى مۇمكىن دەپ سانايدى. بۇل تۋىندىنىڭ جاسالعان كۇنى ءالى بەلگىسىز. ال ەكىنشىسى ۆەنەتسيالىق سۋرەتشى پەترو بەللوتتيدىڭ شىعارماسى. 1665 -جىل دەپ جازىلعان كەنەپتە شەبەر ءوز اۆتوپورترەتىن سالعان.