قازاقستاندىق بيشىلەر World Folk Vision-2020 بايقاۋىندا ەكىنشى ورىن يەلەندى
قازاقستان وكىلدەرى حالىقتىڭ داۋسىنىڭ جانە حالىقارالىق كاسىبي قازىلار القاسىنىڭ شەشىمى بويىنشا جەڭىمپاز رەتىندە تانىلدى. اكادەميانىڭ شاكىرتتەرى بايقاۋدا «الەم حالىقتارىنىڭ بيلەرى» باعىتى بويىنشا «اققۋلار» كومپوزياسىن تانىستىردى.
فەستيۆالگە جالپى الەم ەلدەرىنەن 3950 شىعارماشىلىق ۇجىم مەن جەكە ءبيشى قاتىستى. حالىقارالىق ىرىكتەۋ بارىسىندا فينالعا 60 ەلدىڭ 100 قاتىسۋشىسى جەتتى. مۇنداعى سىيلىق قاتىسۋشىلارعا بۇكىل الەمدىك «World Folk Vision» مادەني باستاماسى بويىنشا الەمنىڭ ءتۇرلى ەلدەرىندەگى مادەني شارالارعا قاتىسۋعا مۇمكىندىك بەرەدى.
World Folk Vision-2020 - مادەنيەتتىڭ، ونەر مەن سپورتتىڭ كاسىپقويلارى مەن اۋەسقويلارىن بىرىكتىرەتىن ءىرى حالىقارالىق گۋمانيتارلىق جوبا. بيىل فەستيۆال ب ۇ ۇ جاھاندىق كەلىسىمىنىڭ 20 جىلدىعى مەن جاھاندىق مادەني باستامانى جۇزەگە اسىرۋ اياسىندا وتكىزىلدى.
فەستيۆال - ءبي الەمىندەگى ءىرى شارانىڭ ءبىرى. بيىل كوروناۆيرۋس پاندەمياسىنا بايلانىستى بايقاۋ تۇڭعىش رەت ونلاين فورماتتا وتكىزىلىپ وتىر.