نۇرسۇلتان نازاربايەۆ نارۋحيتونىڭ تاققا وتىرۋ شاراسىندا «White Tie» درەسس-كودى بويىنشا كيىندى
«قازاقستاننىڭ تۇڭعىش پرەزيدەنتى جاپونيا يمپەراتورى نارۋحيتونىڭ تاققا وتىرۋ رەسمي سالتاناتتى شاراسىنا قاتىستى. جاپون تاراپى اتالعان شاراعا وراي تيىسىنشە درەسس-كود بەكىتكەن ەدى. دەلەگاتسيا باسشىلارىن قوسا العاندا سالتاناتتى شارانىڭ بارلىق قاتىسۋشىلارى «White Tie» درەسس-كودى بويىنشا كيىنۋى ءتيىس بولاتىن. ەلباسى فراكتى ءبىرىنشى رەت كيىپ وتىرعان جوق. نۇرسۇلتان نازاربايەۆ بارلىق ۋاقىتتا مۇنداي دەڭگەيدەگى شارالاردا بەكىتىلگەن درەسس-كودتى ۇستانادى»، - دەپ جازدى ق ر تۇڭعىش پرەزيدەنتىنىڭ باسپا ءسوز حاتشىسى ايدوس ۇكىباي ەلباسىنىڭ Instagram-داعى پاراقشاسىندا.
ەستەرىڭىزگە سالا كەتسەك، ەلباسى نۇرسۇلتان نازاربايەۆ جاپونيا پرەمەر-ءمينيسترى سيندزو ابەنىڭ ارنايى شاقىرۋىمەن جاپون يمپەراتورى نارۋحيتونىڭ تاققا وتىرۋىنا ارنالعان رەسمي شاراعا قاتىسۋ ءۇشىن توكيوعا كەلگەن بولاتىن. بۇگىن ەلباسى نارۋحيتونىڭ تاققا وتىرۋىنا ارنالعان شاراعا قاتىستى.