19:52, 16 - قاڭتار 2020 | GMT +6
جانىبەك ءالىمحان ۇلى WBO تيتۋلىنىڭ يەگەرى دەمەتريۋس اندرادەنى جەكپە-جەككە شاقىردى
نۇر-سۇلتان. قازاقپارات - ورتا سالماقتاعى ەش جەڭىلمەگەن قازاقستاندىق بوكسشى جانىبەك ءالىمحان ۇلى (8-0، 4 ك و) ءوزىنىڭ Twitter پاراقشاسىندا قارسىلاستارىنا ارناپ مالىمدەمە جاسادى، دەپ حابارلايدى قازاقپارات Sports.kz-كە سىلتەمە جاساپ.
«قايداسىڭدار، چەمپيوندار؟»، - دەپ جازدى جانىبەك.
ءالىمحان ۇلى 2020-جىلى چەمپيوندارمەن جەكپە-جەككە شىققىسى كەلەتىنىن مالىمدەگەن، ال ودان بۇرىن ورتا سالماقتاعى WBO تيتۋلىنىڭ يەگەرى دەمەتريۋس اندرادەنى ايقاسقا شاقىردى.
جانىبەك ءالىمحان ۇلى سوڭعى جەكپە-جەگىن 9- قاراشادا كاليفورنيا شتاتىنىڭ فرەسنو قالاسىندا وتكىزدى. ول كانادالىق البەرتا ونولۋنوسەنى (24-3-1، 8 ك و) التىنشى راۋندتا نوكاۋتقا جىبەرىپ، WBC Continental Americas جانە WBO Global تيتۋلدارىن ءساتتى قورعادى. «قازاق بوكس ءستيلى» كوكتەمدە رينگكە قايتا ورالماق.