13:15, 19 - قاراشا 2019 | GMT +6
قانات يسلام WBO رەيتينگىنىڭ ۇزدىك بەستىگىنە ەندى
نۇر-سۇلتان. قازاقپارات - WBO (دۇنيە جۇزىلىك بوكس ۇيىمى) نۇسقاسى بويىنشا بوكسشىلاردىڭ جاڭارتىلعان رەيتينگى جاريالاندى، دەپ حابارلايدى قازاقپارات Sports.kz-كە سىلتەمە جاساپ.
ەكىنشى ورتا سالماق ساناتىندا ونەر كورسەتەتىن، WBO Global بەلدىگىنىڭ يەسى ايدوس ەربوسىن ۇلى سەگىزىنشى ورىندا تۇر.
ورتا سالماق ساناتىندا WBO International چەمپيونى قانات يسلام سەگىزىنشى ساتىدان بەسىنشى ورىنعا كوتەرىلدى. ودان كەيىنگى پوزيتسياعا WBO Global بەلدىگى بار جانىبەك ءالىمحان ۇلى ورنالاسقان. ول وتكەن ايدا 13-ورىندا ەدى.
ءبىرىنشى جارتىلاي ورتا سالماق ساناتىنىڭ وكىلى WBO Inter- Continental چەمپيونى جانقوش تۇراروۆ بۇرىنعىشا توعىزىنشى ساتىدا قالدى.