WBC: قازاقستاندىق كاسىپقوي بوكسشىلاردىڭ رەيتينگى جاريالاندى

نۇر-سۇلتان. قازاقپارات - دۇنيەجۇزىلىك بوكس كەڭەسى (WBC) رەيتينگىنىڭ جاڭارتىلعان نۇسقاسى جاريالاندى، دەپ حابارلايدى قازاقپارات Sports.kz سايتىنا سىلتەمە جاساپ.

ەكىنشى ورتا سالماق دارەجەسىندەگى ءالي احمەدوۆ (15-0، 11 ك و) 17-ورىندى ساقتاپ قالدى. ايدوس ەربوسىن ۇلى (11-0، 8 ك و) ءۇش ساتىعا تومەندەپ، 35-ورىنعا تابان تىرەدى.

ال ورتا سالماقتا گەننادي گولوۆكين (39-1-1، 35 ك و) كوش باستاپ تۇرسا، مەيىرىم نۇرسۇلتانوۆ (11-0، 8 ك و) 24-تەن 25-ورىنعا سىرعىدى. سونداي-اق جانىبەك ءالىمحان ۇلى (6-0، 2 ك و) 26-ورىننان ءتۇسىپ، 30-پوزيتسياعا ورنالاستى.

ءبىرىنشى ورتاشا ديۆيزيون وكىلى سادريددين احمەدوۆ (9-0، 8 ك و) ءبىر ساتى جوعارى كوتەرىلىپ، 32- ورىنعا تابان تىرەدى.

ءبىرىنشى ورتا سالماق دارەجەسىندەگى سپورتشى باتىر جۇكەمبايەۆ (16-0، 13 ك و) 19-ورىننان 16 عا شىقتى.

بۇعان دەيىن 37-ورىندا بولعان جەڭىل سالماقتاگى ۆيكتور كوتوچيگوۆ (10-4، 4 ك و) ەندى تىزىمدە 38- بولىپ تۇر.