10:14, 22 - قازان 2020 | GMT +6
قازاقستاندىق بوكسشىلار الماتىدا WBC جانە WBO تيتۋلدارى ءۇشىن ايقاسادى
نۇر-سۇلتان. قازاقپارات - 1- قاراشادا الماتىدا قازاقستاندىق بوكسشىلاردىڭ قاتىسۋىمەن كاسىبي بوكستان MTK Golden Contract تۋرنيرى وتەدى، دەپ حابارلايدى قازاقپارات Sports.kz سايتىنا سىلتەمە جاساپ.
شوۋ اياسىندا ءتورت تيتۋلدىق جەكپە-جەك وتەدى:
WBC Asia Youth تيتۋلى ءۇشىن ءبىرىنشى ورتا سالماقتا ميراس ەرتانوۆ (1-0) — دارىن يماحانوۆ (1-0)؛
WBO Asia Pacific Youth تيتۋلى ءۇشىن ءبىرىنشى ورتا سالماقتا ەراسىل اقرانبەك (1-0) — نۇربول سۇلتانباي (2-0، 1 ك و)؛
WBC Asia Youth تيتۋلى ءۇشىن ەكىنشى جارتىلاي جەڭىل سالماقتا نۇرسۇلتان يساحان (1-0, 1 ك و) — ءالىمجان تۇرسۇنوۆ (3-0، 2 ك و)؛
WBO Asia Pacific Youth تيتۋلى ءۇشىن ەكىنشى جارتىلاي جەڭىل سالماقتا تورعىنبەك ءامىروۆ (1-0) — نۇربولات بەكباۋوۆ (1-0، 1 ك و).
تيتۋلداردان بولەك جەڭىمپازدار تانىمال MTK Global مەنەدجەرلىك كومپانياسىمەن كەلىسىمشارتقا وتىرادى. سونداي-اق، وسى كەشتە شارشى الاڭعا باسقا دا وتاندىق بوكسشىلار شىعادى.