07:24, 21 - قىركۇيەك 2020 | GMT +6
الەمگە تانىمال Vogue ءسان جۋرنالى كوبەيتۇزدا كۇي شەرتكەن قازاق ارۋى تۋرالى جازدى
نۇر-سۇلتان. قازاقپارات - الەمدەگى تانىمال ءسان جۋرنالدارىنىڭ ءبىرى Vogue ءوزىنىڭ Instagram پاراقشاسىندا قازاقستاندىق دومبىراشى تۋرالى پوست جاريالادى، دەپ حابارلايدى قازاقپارات.
استانالىق دومبىراشى مارجان قاپسامات شىلدەنىڭ باسىندا كۇلگىن ءتۇستى كوبەيتۇز كولىنىڭ ورتاسىندا ءولىمدى ءومىر جەڭەتىن ءانۇران - «كەرۇعلى» كۇيىن شەرتتى.
«قازاقستاننىڭ ەجەلگى مادەنيەتىن زاماناۋي Instagram الەمىنە ەنگىزگەن قازاقستان، نۇرسۇلتاندىق مارجان قاپساماتپەن تانىس بولىڭىزدار. 23 جاستاعى قىز قازاقستاننىڭ ۇلتتىق اسپابى، ۇزىن موينى مەن المۇرت ءتارىزدى ءپىشىنى بار ەكى ىشەكتى ليۋتنا - دومبىرادا وينايدى، - دەپ جازعان Vogue ۆيدەونىڭ استىنا.