ساراپشى «سپۋتنيك V» ۆاكسيناسىنىڭ تيىمدىلىگىنە قاتىستى تۇسىنىك بەردى

None
None
نۇر-سۇلتان. قازاقپارات - ق ر دەنساۋلىق ساقتاۋ مينيسترلىگى حالىقتى يممۋنداۋ جونىندەگى ۇلتتىق كونسۋلتاتيۆتىك كوميسسياسىنىڭ مۇشەسى، مەديتسينا عىلىمدارىنىڭ دوكتورى، پروفەسسور جاننات ساتىبالديەۆا «سپۋتنيك V» ۆاكتسيناسىنىڭ قاۋىپسىزدىگى مەن تيىمدىلىگىنە قاتىستى پىكىر ءبىلدىردى، دەپ حابارلايدى قازاقپارات ءتىلشىسى.

«قازىرگى كەزدە قازاقستاندا رەسەيلىك «سپۋتنيك V» ۆاكسيناسىن كوپتەگەن ادامدار الىپ جاتىر. ەكپەدەن بولۋى مۇمكىن جاناما اسەرىن مونيتورينگىلەۋ كەزىندە جانە ونىڭ تيىمدىلىگىن زەرتتەۋ بارىسىندا الىنعان مالىمەتتەردى ەسكەرە وتىرىپ، وسى ۆاكسينانى ەنگىزۋ كەزىندە كۇردەلى جاناما رەاكسيالار بايقالمادى»، - دەدى ج. ساتىبالديەۆا ۆاكسينا تاقىرىبىنا ارنالعان ونلاين تالقىلاۋ بارىسىندا.

وسى ورايدا عالىم رەسەيدىڭ ن. گامالەيا اتىنداعى ەپيدەميولوگيا جانە ميكروبيولوگيا ۇلتتىق زەرتتەۋ ورتالىعىنىڭ ديرەكتورى الەكساندر گينتسبۋرگتىڭ مالىمدەمەسىن دالەل رەتىندە كەلتىردى.

«جاقىندا عانا تەلەارنادان الەكساندر گينتسبۋرگ مالىمدەمە جاساعان بولاتىن. وندا ول اتالعان ۆاكسينا بويىنشا اۋىر جاناما اسەرىن تىركەلمەگەنىن ايتتى. سوڭعى مالىمەتتەر بويىنشا ۆاكسينا تيىمدىلىگى تۋرالى 97 پايىز دەڭگەيىندەگى كورسەتكىش جاريالاندى. بۇل ءوز كەزەگىندە وتە جوعارى كورسەتكىش. ال AstraZeneca ۆاكسيناسى 70 پايىز تيىمدىلىكتى بەرىپ وتىر»، - دەدى پرفەسسور.

بۇدان بۇرىن حابارلانعانداي، جاننات ساتىبالديەۆا قازاقستاندا ۆاكسينالاردى تەكسەرۋگە ەرەكشە ءمان بەرىلەتىنىن ايتتى.

سوڭعى جاڭالىقتار