«URKER-2021» ۇلتتىق بايگەسىنىڭ جەڭىمپازدارى انىقتالدى
ەڭ الدىمەن «جىلدىڭ ۇزدىك جاڭالىقتار پورتالى» اتالىمىندا «قازاقپارات» حالىقارالىق اقپارات اگەنتتىگى جەڭىسكە جەتتى. ماراپاتتى ق ر پرەزيدەنتى تەلەراديوكەشەنىنىڭ باس ديرەكتورى راۋشان قاجىبايەۆا تابىس ەتتى.
سونىمەن بىرگە، «BaigeNews.kz پورتالىنىڭ جۋرناليسى ءانۋار ءابدىراحمانوۆ «جىلدىڭ ۇزدىك رەپورتاجى» نوميناتسياسىندا جەڭىمپاز اتاندى. سىيلىقتى «قازاق ادەبيەتى» گازەتىنىڭ باس رەداكتورى داۋرەن قۋات تابىس ەتتى.
«جىلدىڭ ۇزدىك اناليتيكالىق ماتەريالى» اتالىمىندا «اقيقات» جۋرنالىنىڭ قىزمەتكەرى دينا يمامبايەۆا وزىق دەپ تانىلدى. جەڭىمپازدى ق ر پارلامەنتى سەناتىنىڭ دەپۋتاتى ايگۇل قاپپاروۆا جاريالادى.
ال «تاۋەلسىزدىكتىڭ 30 جىلدىعىنا ارنالعان ۇزدىك ماتەريال» نوميناتسياسىندا «سەمەي تاڭى» گازەتىنىڭ ءتىلشىسى ريزا مولداشەۆا جەڭىسكە جەتتى. ماراپاتتى تاۋەلسىز قازاقستاننىڭ ەڭ العاشقى اقپارات ءممينيسترى، مەملەكەت جانە قوعام قايراتكەرى، جۋرناليست قۋانىش سۇلتانوۆ تابىستادى.
«جىلدىڭ ۇزدىك گازەتى» ماراپاتىن «TURKISTAN» حالىقارالىق ساياسي اپتالىعىنا جۋرناليست، ق ر جۋرناليستەر اكادەمياسىنىڭ اكادەميگى الەكساندر تاراكوۆ تابىس ەتتى.
«جىلدىڭ ۇزدىك تانىمدىق ماتەريالى» اتالىمىندا Massaget.kz پورتالىنان ومىربەك سانسىزبايەۆ وزىپ شىقتى. جۇلدەنى قىرعىز رەسپۋبليكاسى مادەنيەت، اقپارات، سپورت جانە جاستار ساياساتى ءمينيسترىنىڭ ورىنباسارى سالتانات امانوۆا بەردى.
«جىلدىڭ ۇزدىك جۋرناليستىك زەرتتەۋى» جۇلدەسىن «Aiqyn» گازەتىنەن رىسبەك قىدىربەك جەڭىپ الدى. ال «راديوستانتسياداعى ۇزدىك جوبا» اتالىمىندا - «NS» راديوسى «نوۆوە ۋترو» باعدارلاماسى تاڭدالىپ الىندى.
newsroom.kz پورتالىنىڭ فوتوسۋرەتشىسى ماقسات شاعىربايەۆ «جىلدىڭ ۇزدىك فوتوسۋرەتى» اتالىمىندا ۇزدىك اتاندى. ماراپاتتى تابىستاۋ مارتەبەسى «URKER» بايگەسىنىڭ بىلتىرعى جەڭىمپازى، ەكوبەلسەندى ساكەن دىلداحمەتكە بەرىلدى.
«Forbes Kazakhstan» ۇجىمى «جىلدىڭ ۇزدىك جۋرنالى» اتاندى. سىيلىقتى اقىن، ق ر جازۋشىلار وداعى نۇر-سۇلتان قالالىق فيليالىنىڭ ءتوراعاسى داۋلەتكەرەي كاپ ۇلى بەردى.
«جىلدىڭ ۇزدىك سۇحباتى» جۇلدەسىن Vlast.kz پورتالىنىڭ جۋرناليسى تامارا ۆال جەڭىپ الدى. جەڭىمپاز ەسىمىن «قازاقستان» رەسپۋبليكالىق تەلەراديوكورپوراتسياسىنىڭ ءتوراعاسى ءلاززات تانىسباي جاريالادى.
سونىمەن بىرگە، «URKER-2021» ۇلتتىق بايگەسىنىڭ ارنايى جۇلدەسى «قازاق راديوسى» ۇجىمىنا بەرىلدى.
«بايقاۋدىڭ ارنايى جۇلدەسىن انىقتاۋ ءبىز ءۇشىن ۇلكەن مانگە يە. بۇل جۇلدەنى الىپ وتىرعان ۇجىمنىڭ ورنى بولەك دەسە دە بولادى. ءبىر عاسىر بويى حالىقتى ۇزدىكسىز اقپاراتپەن جانە ۇلتىمىزدىڭ ءانى مەن جىرىن، مادەنيەتىن حالىققا جەتكىزىپ وتىرعان ەلىمىزدىڭ باس راديوسى - «قازاق راديوسىنا» بەرىلەدى. قازاق راديوسى ۇجىمىن شىن جۇرەكتەن قۇتتىقتايمىن! ەلىمىزدىڭ راديوسى مىڭجىلدىقتار بويى قازاقتىڭ ءۇنىن جەتكىزە بەرسىن. دەندەرىڭىزگە ساۋلىق، وتباسىلارىڭىزعا اماندىق تىلەيمىن»، - دەدى ق ر اقپارات جانە قوعامدىق دامۋ ءمينيسترى ايدا بالايەۆا.
بارلىق جەڭىمپازدارعا «URKER» ەستەلىك مۇسىنشەسى جانە ءبىر ميلليون تەڭگە مولشەرىندەگى اقشالاي سىيلىق تابىستالدى.
ايتا كەتەيىك، «URKER-2021» ۇلتتىق بايگەسى بيىل بەسىنشى رەت ۇيىمداستىرىلىپ وتىر. بايقاۋ 11 نوميناتسيا بويىنشا وتكىزىلۋدە، وعان «تاۋەلسىزدىكتىڭ 30 جىلدىعىنا ارنالعان ۇزدىك ماتەريال» نوميناتسياسى قوسىلدى.
جۋرناليستەردەن جالپى سانى 340 جۇمىس كەلدى، ال ۇزدىك جۇمىستاردى بەدەلدى جۋرناليستەر، ەلىمىزدىڭ شىعارماشىلىق ينتەلليگەنتسياسىنىڭ وكىلدەرى مەن حالىقارالىق مەدياەكسپەرتتەردەن قۇرالعان قازىلار القاسى انىقتادى. باسپا، راديو، ينتەرنەت-جۋرناليستيكا سالاسىنداعى جەتىستىكتەرى ءۇشىن بەرىلەتىن قازاقستاندىق ۇلتتىق «URKER» سىيلىعى تالانتتى جۋرناليستەر مەن شىعارماشىلىق ۇجىمداردى انىقتاۋ، ولاردىڭ كاسىبي جۋرناليستيكانى دامىتۋعا قوسقان ۇلەسىن مويىنداۋ جانە ولاردىڭ شىعارماشىلىعىنا قوعامنىڭ نازارىن اۋدارۋ ماقساتىندا 2017-جىلى تاعايىندالعان.
بايقاۋ ۇيىمداستىرۋشىلارى - ق ر اقپارات جانە قوعامدىق دامۋ مينيسترلىگى، «مەديا دامىتۋ قورى» كورپوراتيۆتىك قورى جانە «قازمەديا ورتالىعى» ب ك. شارا دەمەۋشىلەرى - «قازاقستان» ر ت ر ك جانە «حابار «اگەنتتىگى» ا ق.