UNESCO جىبەك جولى مۇراسىن زەرتتەپ جۇرگەن جاس عالىمدارعا گرانت ۇسىندى

نۇر-سۇلتان. قازاقپارات - UNESCO وكىلدەرى جاستاردى ۇلى جىبەك جولىنىڭ مۇراسىن زەرتتەۋگە بولىنەتىن ستيپەندياعا ءوتىنىم بەرۋگە شاقىرادى.

بۇل - UNESCO- نىڭ جاڭا باستاماسى، دەپ حابارلايدى قازاقپارات ب ۇ ۇ جاڭالىقتارىنا سىلتەمە جاساپ.

10 مىڭ دوللار گرانت مىنا تاقىرىپتاردى زەرتتەيتىن 12 جاس عالىمعا بەرىلەدى:

- جىبەك جولىنىڭ ورتاق مۇراسى جانە كوپقىرلىلىعى - جىبەك جولىنىڭ مادەني سانالۋاندىعى - جىبەك جولى مۇراسى قازىرگى زامانعى شىعارماشىلىقتىڭ، مادەنيەتارالىق ديالوگتىڭ، الەۋمەتتىك تۇتاستىقتىڭ، وڭىرلىك جانە حالىقارالىق ىنتىماقتاستىقتىڭ نەگىزى رەتىندە.

35 جاسقا دەيىنگى اسپيرانتۋرا ستۋدەنتتەرى گرانت الۋعا ءوتىنىش بەرە الادى. زەرتتەۋلەرگە جەكە تۇلعالار دا، جاس عالىمدار توبى دا قاتىسا الادى.

وتىنىمدەر 18- ساۋىرگە دەيىن قابىلدانادى. تولىق اقپاراتتى UNESCO رەسمي سايتىنان تابۋعا بولادى.