جالعاس جۇماعۇلوۆ UFC-تە وتكەن العاشقى جەكپە-جەگىندە جەڭىلىپ قالدى

ءابۋ-دابي. قازاقپارات - ءابۋ-دابيدە (ب ا ءا) UFC 251 تۋرنيرى ءوتىپ جاتىر.

وندا قازاقستاندىق فايتەر جالعاس جۇماعۇلوۆ (13-3) باق سىنادى، دەپ حابارلايدى قازاقپارات Sports.kz-كە سىلتەمە جاساپ.

جالعاسقا قارسى برازيليالىق راۋليان پايۆا (19-3) شىقتى. بۇل جالعاستىڭ ءىرى پروموۋشندەگى دەبيۋت ايقاسى. ونىڭ قارسىلاسى UFC-تە بۇعان دەيىن ءۇش جەكپە-جەك وتكىزىپ ۇلگەرگەن. ەڭ جەڭىل سالماقتاعى جەكپە-جەك ءۇش راۋندقا ەسەپتەلگەن. تورەشىلەردىڭ شەشىمىمەن جالعاس جۇماعۇلوۆ ۇتىلدى.

وسىلايشا، جالعاس جۇماعۇلوۆ UFC تۋرنيرىن ءساتسىز باستادى، كاسىبي كارەراسىندا ءتورتىنشى رەت جەڭىلدى. راۋليان پايۆا جيىرماسىنشى رەت جەڭىسكە جەتتى، ونىڭ UFC-تاعى دەڭگەيى - 2-2.

فوتو: sport.inform.kz