قازاقستاندىق سپورتشى UFC توپ-15 تىزىمىنە ەندى

نۇر-سۇلتان. قازاقپارات - قازاقستاندىق سپورتشى دامير يسماعۇلوۆ پروموۋشندەگى بەسىنشى جەڭىسىنەن كەيىن UFC جەڭىل سالماقتاعى ۇزدىك سپورتشىلار تىزىمىنە ەندى، دەپ حابارلايدى قازاقپارات Sports.kz سايتىنا سىلتەمە جاساپ.

قازاقستاندىق مەنەدجەر سايات ءابدىراحمانوۆ Instagram پاراقشاسىندا جاڭارتىلعان رەيتينگ جاريالاعان.

وندا «قازاق» لاقاپ اتىمەن تانىمال يسماعۇلوۆ 15-ورىندا تۇر.

«توپ-15-كە قوش كەلدىڭ، دامير يسماعۇلوۆ»، - دەپ قىسقا قۇتتىقتاعان ءابدىراحمانوۆ.

ەسكە سالايىق، «قازاق» وستيندەگى (تەحاس شتاتى) UFC تۋرنيرىندە ۇلتى گرۋزين شۆەتسيا سپورتشىسى گۋراما كۋتاتەلادزەنى تورەشىلەردىڭ شەشىمىمەن جەڭدى، الايدا كەلەسى اپتادا يسماعۇلوۆ رەيتينگكە ەنبەي قالعان بولاتىن.

دامير بۇل رەيتينگكە ەندى كىرىپ وتىر.