«Úrker» syılyǵy «Q́azaq́» gazetіnіń 105 jyldyǵyna arnalady

None
None
ASTANA. Q́azAq́parat - Aǵymdaǵy jyly «Úrker» syılyǵy «Q́azaq́» gazetіnіń 105 jyldyǵyna arnalady. Bul týraly búgіn Ortalyq́ kommýnikasialar q́yzmetіndegі baspasóz máslihatynda Q́R Aq́parat jáne kommýnikasialar vise-ministrі Nurgúl Maýberlinova aıtty, dep habarlaıdy Q́azAq́parat.

«Ótken jyly Aq́parat jáne kommýnikasialar ministrlіgі «Tumar» jáne «Úrker» syılyq́taryn taǵaıyndaǵan bolatyn. Biyl naýryz aıynda ótken «Tumar» ulttyq́ syılyǵy q́azaq́ televiziasynyń 60 jyldyǵyna arnalǵan edі. Al «Úrker» syılyǵyn biyl bіz «Q́azaq́» gazetіnіń 105 jyldyǵyna arnaýdy josparlap otyrmyz. Bul gazettіń otandyq́ jýrnalistikada alatyn ornynyń erekshe ekendіgіn bіlesіzder», - dedі ol.

Osy rette vise-ministr ótken jyly «Úrker» baıq́aýy joǵary dárejede ótіp, konkýrsq́a 700-ge jýyq́ ótіnіm túskenіn eske saldy.

Al «Qazcontent» AQ́ tóraǵasy Evgeniı Kochetovtіń aıtýynsha, biyl baıq́aý 12 nominasia boıynsha ótedі jáne taǵy bіr ekperimenttіk nominasia q́osylyp otyr.

«Nominasialar týraly kóp oılandyq́. Eń úzdіk blogerler men vaınerlerdі, sondaı-aq́ eń tanymal pablik pen jyl haıpyn anyq́tasaq́ degen oı bar. Ádіl bolsyn degen nietpen oq́yrmandar ózderі tańdasyn degen sheshіmge keldіk. Sol sebeptі q́osymsha q́andaı nominasia bolatynyn daýys berý arq́yly anyq́tamaq́pyz. Munyń eshq́andaı q́iyndyǵy joq́, tek urker.el.kz saıtyna kіrіp, q́aı nominasiany q́oldaıtynyńyzdy daýys berý arq́yly tańdaı alasyz», - dedі Evgeniı Kochetov.

Onyń sózіne q́araǵanda, «Úrker» baıq́aýyna q́atysý úshіn el.kz. saıtyna úzdіk fotosýret, úzdіk reportaj, úzdіk saraptamalyq́ material, úzdіk jýrnalistіk zertteý, úzdіk suhbat, Q́azaq́stan týraly úzdіk tanymdyq́ material, úzdіk halyq́aralyq́ taldamaly material, úzdіk óńіrlіk radiostansa, úzdіk óńіrlіk merzіmdі basylym, úzdіk q́azaq́standyq́ radiostansia, úzdіk internet-basylym, úzdіk respýblikalyq́ merzіmdі basylym nominasialary boıynsha ótіnіshter jіberý kerek.

Aıta keterlіgі, q́azylar alq́asy q́uramyna tanymal q́oǵam q́aıratkerlerі men shyǵarmashylyq́ zialy q́aýym ókіlderі, jýrnalistika salasynyń maıtalman mamandary kіredі. Baıq́aýdyń laýreaty atanǵan jýrnalisterge estelіk músіn men q́arjylaı júldeler tabystalady. Árbіr jeńіmpaz 1 000 000 teńge kólemіnde aq́shalaı syılyq́ pen dástúrlі estelіk músіnge ie bolady. Baıq́aýǵa shyǵarmashylyq́ jumystary 2017 jyly jarialanǵan baspasóz redaksialary men internet-BAQ́ ókіlderі, sondaı-aq́ radiostansialardyń jýrnalisterі q́atysa alady.

سوڭعى جاڭالىقتار