15:32, 27 - مامىر 2022 | GMT +6
Twitter اكسيونەرلەرى يلون ماسكتى سوتقا بەردى
نۇر- سۇلتان. قازاقپارات - Twitter اكسيالارىنىڭ يەلەرى يلون ماسك پەن كومپانيانى سوتقا بەردى، دەپ حابارلايدى قازاقپارات Euronews-كە سىلتەمە جاساپ.
ينۆەستورلاردىڭ ايتۋىنشا، ميللياردەر مامىلەدەن باس تارتۋ نەمەسە ساتىپ الۋ باعاسىن ايتارلىقتاي تومەندەتۋگە كەلىسۋ ءۇشىن Twitter اكسيالارىنىڭ باعاسىن تۇسىرۋگە تىرىسۋدا. كومپانيانىڭ اكسيالارى قازىردىڭ وزىندە %12 عا تومەندەپ كەتكەن.
ماسك Twitter ءدى ءساۋىر ايىنىڭ سوڭىندا 44 ميلليارد دوللارعا ساتىپ الۋعا كەلىسكەن بولاتىن. ءبىراق كەيىن الەۋمەتتىك جەلىدەگى بوتتاردىڭ سانىنا قاناعاتتانباعاندىقتان، مامىلەنى توقتاتتى. ەسكە سالساق، يلون ماسك Twitter- ءدى 44 ميلليارد دوللارعا ساتىپ الاتىنى تۋرالى بۇعان دەيىن حابارلاعان بولاتىنبىز.