+7 (701) 759 90 19
1 °С : نۇر-سۇلتان
11 °С : الماتى
USD 427.93 EUR 506.71
RUB 5.55 CNY 64.29
جاڭالىقتار

اۋىل مۇعالىمىنىڭ TikTok-تاعى ۆيدەوسى اتا-انالاردىڭ اشۋىنا ءتيدى

24 قىركۇيەك 19:54
:ءبولىسۋ
اۋىل مۇعالىمىنىڭ TikTok-تاعى ۆيدەوسى اتا-انالاردىڭ اشۋىنا ءتيدى

نۇر -سۇلتان. قازاقپارات - باتىس قازاقستان وبلىسىندا اۋىل ءمۇعالىمىنىڭ TikTok-تاعى ۆيدەوسى اتا- انالاردىڭ اشۋىنا ءتيدى، - دەپ حابارلايدى «موي گورود» پورتالى.

وقيعا بايتەرەك اۋدانىنا قارىستى اۋىلداردىڭ بىرىندە بولعان. اتا-انالاردىڭ ايتۋىنشا، اۋىل مۇعالىمى TikTok جەلىسىندە بەيادەپ سوزدەر ايتىپ، ۆيدەو تۇسىرگەن. ونى مەكتەپ وقۋشىلارى دا كورگەن.

اۋىل تۇرعىنىنىڭ ايتۋىنشا، ونىڭ بالالارى بايتەرەك اۋدانىنداعى يانۆارسەۆ ورتا مەكتەبىندە وقيدى. ول بالالارىنىڭ ۇنەمى الەۋمەتتىك جەلىدە وتىراتىنىن ايتادى.

«مەنىڭ قىزىم ۇنەمى تەلەفوندا وتىرادى. قازىر TikTok پايدا بولدى. بارلىعى سوعان ۆيدەو جاريالايدى. اعىلشىن ءتىلى مۇعالىمى جانە وقۋ ءىسى جونىندەگى وقۋ ءىسىنىڭ مەڭگەرۋشىسى دامير باتىرجان TikTok جەلىسىنە ورىنسىز ۆيدەو جۇكتەپ ءجۇر. ونىڭ ۆيدەوسىندا بەيادەپ سوزدەر بار. ول جارتىلاي جالاڭاش وتىرادى. ۆيدەونى شاكىرتتەرى دە كورەدى. مەنىڭ ويىمشا، مۇعالىم بالاعا ۇلگى كورسەتۋى كەرەك. ول مۇنداي ۆيدەونى جەلىگە جۇكتەمەۋى كەرەك»، - دەيدى انا.

ونىڭ ايتۋىنشا، اتا-انالار بۇل تۋرالى مەكتەپ اكىمشىلىگىنە ايتىپتى. الايدا ودان ناتيجە شىقپاعان.

ال مۇعالىم دامير باتىرجان جەلىدە مۇنداي ۆيدەو جاريالاعانىنا وكىنەتىنىن اتاپ ءوتتى.

«مەن مۇنىڭ دۇرىس ەمەس ەكەنىن ءتۇسىندىم. وسىلاي جاساعانىما وكىنەمىن. مەن جەلىدەگى پاراقشامدى وشىرەمىن. ارىپتەستەرىمنەن، وقۋشىلاردان كەشىرىم سۇرايمىن»، - دەيدى ول.

ال بايتەرەك اۋدانىنىڭ ءبىلىم ءبولىمىنىڭ باسشىسى سەرىك سافيۋللين بۇل ۆيدەولاردى ءبىرىنشى رەت كورىپ وتىرعانىن، بۇل وقيعاعا قاتىستى تەكسەرىس جۇرگىزەتىنىن ايتتى.

«مەن مەكتەپكە بارىپ، وقيعانىڭ ءمان-جايىن انىقتايمىن. مەكتەپ ديرەكتورىمەن سويلەستىم. ول ماعان اتا-انالاردىڭ بۇل ماسەلەنى ايتپاعانىن جەتكىزدى. مۇعالىم مۇنداي ۆيدەولاردى جەلىگە جۇكتەمەۋى كەرەك. جالپى ۇستازدار الەۋمەتتىك جەلىدەگى پاراقشاسىنا نە جۇكتەيتىنىن باقىلاپ وتىرۋى كەرەك. ويتكەنى ولاردىڭ ارەكەتىنەن وقۋشىلار ۇلگى الادى»، - دەيدى باسشى.

Tengrinews.kz



:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات