+7 (701) 759 90 19
28 °С : نۇر-سۇلتان
24 °С : الماتى
USD 427.15 EUR 519.12
RUB 5.96 CNY 66.84
جاڭالىقتار

قازاقستان وڭىرلەرىندە «TenQogam» ورتالىقتارى اشىلادى

10 ماۋسىم 18:31
:ءبولىسۋ
قازاقستان وڭىرلەرىندە «TenQogam» ورتالىقتارى اشىلادى

نۇر-سۇلتان. قازاقپارات - مۇگەدەكتىگى بار ادامداردى الەۋمەتتىك قولداۋ جانە جۇمىسقا ورنالاستىرۋ ءۇشىن وڭىرلەردە «TenQogam» ورتالىقتارى اشىلادى، دەپ حابارلايدى قازاقپارات.

بۇل تۋرالى حالىققا ەسەپ بەرۋ كەزدەسۋىندە ق ر ەڭبەك جانە حالىقتى الەۋمەتتىك قورعاۋ ءمينيسترى سەرىك شاپكەنوۆ ايتىپ بەردى.

«2020-جىلى مۇگەدەكتىگى بار ادامدارعا ارنالعان كاسىپتەر اتلاسى جاسالدى جانە ولاردى جۇمىسقا ورنالاستىرۋ كەزىندە، ونىڭ ىشىندە enbek.kz پورتالىندا جۇمىس ىزدەۋدى جاقسارتۋ ءۇشىن پايدالانۋعا بولادى. مۇگەدەكتىگى بار ادامداردى الەۋمەتتىك قولداۋ جانە جۇمىسقا ورنالاستىرۋ ءۇشىن بارلىق وڭىردە «TenQogam» ورتالىقتارىن اشۋ جوسپارلانعان. نۇر-سۇلتان مەن الماتىدا مۇنداي ورتالىقتار پسيحولوگيالىق جانە قۇقىقتىق كومەك، جۇمىسقا ورنالاسۋعا جاردەم كورسەتە وتىرىپ، تابىستى جۇمىس ىستەۋدە»، - دەپ اتاپ ءوتتى مينيستر.

ءمينيستردىڭ ايتۋىنشا، قازىرگى ۋاقىتتا الەۋمەتتىك قىزمەت كورسەتۋ ساپاسىن ارتتىرۋ ماقساتىندا الەۋمەتتىك قىزمەتتى ودان ءارى جاڭعىرتۋ جونىندەگى ۇلتتىق جوسپار ازىرلەندى جانە جاقىن ارادا قابىلدانادى.

«وسى شارالاردىڭ ناتيجەسىندە مۇمكىندىگى شەكتەۋلى 695 مىڭنان استام ادامنىڭ جانە ومىرلىك قيىن جاعدايدا قالعان ادامداردىڭ ءومىر ءسۇرۋ ساپاسى مەن قىزمەتتەردىڭ قولجەتىمدىگى جاقسارادى»، - دەپ تۇيىندەدى سەرىك شاپكەنوۆ.

ايتا كەتەيىك، 1 - شىلدەدەن باستاپ مۇگەدەكتىكتى سىرتتاي بەلگىلەۋ جوباسى 6 وڭىردە ىسكە قوسىلا باستايدى.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات