جۇكتى ايەلدەر جاردەماقىنى ۇيدەن شىقپاي، SMS ارقىلى راسىمدەي الادى

None
None
نۇر-سۇلتان. قازاقپارات – ق ر ەڭبەك جانە حالىقتى الەۋمەتتىك قورعاۋ مينيسترلىگى ەلەكتروندىق ەڭبەك بيرجاسى (بۇدان ءارى – ە ە ب) پورتالىندا جۇكتىلىككە جانە بوسانۋعا بايلانىستى تابىستان ايىرىلعان جاعدايدا تولەنەتىن الەۋمەتتىك تولەمدەردى پرواكتيۆتى فورماتتا تاعايىنداۋعا مۇمكىندىك بەرەتىن جاڭا فۋنكسيونالدى ىسكە قوسىلدى.

بۇل تۋرالى قازاقپارات ق ر ەڭبەك جانە حالىقتى الەۋمەتتىك قورعاۋ مينيسترلىگىنىڭ باسپا ءسوز قىزمەتىنە سىلتەمە جاساپ حابارلايدى.

وسى جىلدىڭ مامىر ايىنان باستاپ ەەب- دا قازاقستاننىڭ جۇمىس بەرۋشىلەرى ءۇشىن جۇكتىلىككە جانە بوسانۋعا بايلانىستى الەۋمەتتىك دەمالىستاردى ەڭبەك شارتتارىن ەسەپكە الۋدىڭ ءبىرىڭعاي جۇيەسىندە تىركەۋ مۇمكىندىگى بەرىلدى. وسىنىڭ ارقاسىندا دەمالىسقا شىققان قىزمەتكەرلەرگە ءتيىستى الەۋمەتتىك تولەمدى تاعايىنداۋدى ءوتىنىش بەرۋشىنىڭ قاتىسۋىنسىز پرواكتيۆتى فورماتتا جۇزەگە اسىرۋعا بولادى. بۇل كورسەتىلەتىن قىزمەتتى الۋشىلارعا وسى تولەمدى الۋعا ءوتىنىش بەرۋ ءۇشىن حالىققا قىزمەت كورسەتۋ ورتالىعىنا جەكە بارماۋعا مۇمكىندىك بەرەدى.

جۇكتىلىككە جانە بوسانۋعا بايلانىستى الەۋمەتتىك دەمالىسقا شىققان جۇمىسكەرگە تولەمدى پرواكتيۆتى تۇردە تاعايىنداۋ ءۇشىن جۇمىس بەرۋشى جۇمىسكەردىڭ شىعۋ فاكتىسىن ەەب پورتالىنداعى جەكە كابينەتتە تىركەۋى قاجەت. دەرەكتەر ەڭبەك شارتتارىن ەسەپكە الۋدىڭ ءبىرىڭعاي جۇيەسىنە جىبەرىلەدى، ودان سۇراۋ سالۋ بويىنشا الەۋمەتتىك تولەمدەر تاعايىنداۋ ءۇشىن «ازاماتتارعا ارنالعان ۇكىمەت» مەملەكەتتىك كورپوراتسياسى» ك ە ا ق- عا بەرىلەتىن بولادى. بۇل رەتتە، كورسەتىلەتىن قىزمەتتى الۋشىعا SMS- حابارلاما ارقىلى پرواكتيۆتى فورماتتا الەۋمەتتىك تولەم تاعايىنداۋعا كەلىسىمىن الۋ بويىنشا سۇراۋ تۇسەدى، وعان ءۇش كۇن ىشىندە جاۋاپ بەرۋ قاجەت بولادى.

سوڭعى جاڭالىقتار