ShQO-da 3 et kombınaty salynady
Aıagóz aýdany bul jobany túrlі kásіpkerlіk forýmdarda jıі kótergenіmen, buǵan deıіn naqty ınvestor tabylmaı kelgen bolatyn. Aýstralıanyń áıgіlі Cedar Meats kompanıasy osy jobaǵa ınvestor bolýǵa nıet tanytyp otyr. Atalmysh kompanıa qazaqstandyq kásіpkerlermen «Eýrazıa agroholdıng» atty bіrlesken kásіporyn qurmaqshy. Aýstralıa tarapy et kombınatyn salyp, mal semіrtý tehnologıasyn engіzýge mіndettelmek. Al kásіporynǵa berіletіn jer telіmі otandyq kompanıa ıelіgіnde bolady.
«Bul jaı ǵana et kombınaty emes, tutas bіr keshen bolady. Et óńdeý tsehtarynan bólek mal bordaqylaý alańy, jemshóp daıyndaıtyn seh salynady. Óıtkenі, áıgіlі brendtіń ónіmіn shyǵarý úshіn mal semіrtýde aýstrıalyq tehnologıa paıdalanylmaq. Aldyn ala esepteýler boıynsha, osynyń bárіne 9 mlrd teńgedeı ınvestısıa qajet» - deıdі oblystyq aýyl sharýashylyǵy basqarmasy bastyǵynyń ekonomıka jónіndegі orynbasary Arman Turysbekov.
Al Semeı qalasyndaǵy et kombınaty arnaıy ındýstrıalyq aımaqtan boı kótermek. Bul jobaǵa Irannyń «Agroportal» kompanıasy ınvestor retіnde tartylǵan. Indýstrıalyq aımaqqa salynatyn kombınattyń barlyq ınfraquyrylymyn memleket tarapynan tartý kózdelgen. Mundaǵy et ónіmderі «halal» standarty boıynsha óńdelýі tıіs. Joba quny 7 mlrd teńge. 2019 jyly atalǵan 2 kásіporyn da tolyq qýatpen jumys іsteıdі dep josparlanǵan.
Úshіnshі et kombınatyn Kókpektі aýdanynyń jergіlіktі kompanıasy qolǵa almaqshy. «Elіmaı-Kókpektі» JShS angýs, gereford, qazaqtyń aq bas sıyry tárіzdі asyl tuqymdy іrі qara násіlіn túrlendіrýmen aınalysady. Egіnshіlіk pen mal sharýashylyǵyn qatar damytyp otyrǵan agroónerkásіptіk keshen endі et óńdeýdі qolǵa almaqshy.
«Bul kompanıanyń jobasy álі tolyq pysyqtalǵan joq. Qansha ónіm shyǵaryp, qansha bas maldy bordaqylaıtyny ázіrge belgіsіz. Bіr belgіlіsі, serіktestіktіń mundaı jobany júzege asyrýǵa áleýetі tolyq jetedі» - deıdі Arman Turysbekov.
Onyń aıtýynsha osy atalǵan nysandar erteń shıkіzattan tarshylyq kórmeýі úshіn 2019 jylǵa deıіn kórshіles eldі mekenderde 12 mal bordaqylaý alańy qurylýy kerek.