Shildede Medıtsınalyq saqtandyrý qoryna 8,2 mlrd teńgeden astam jarna tústi
Habarlamaǵa súıensek, júıe iske qosylǵan 2017 jyldyń 1 shildesi men 2018 jyldyń 31 shildesi aralyǵynda jeke kásipkerler men jumys berýshiler tólegen jarnalardyń jalpy somasy 88,9 mlrd teńgeden asyp jyǵyldy.
Onyń 80,3 mlrd teńgesi (90,3% jýyǵy) jumys berýshilerdiń qaramaǵyndaǵy jumyskerleri úshin jasaǵan aýdarymdary bolsa, qalǵan 8,6 mlrd teńge (9,7%) - jeke kásipkerler men azamattyq-quqyqtyq kelisimshart negizinde eńbek etetin tulǵalarǵa tıesili. Aımaqtyq turǵydan alǵanda, jarna tóleý jaǵynan Almaty jáne Astana qalalary, sondaı-aq Qaraǵandy oblysy kósh bastap tur.
MSQ baspasóz qyzmetiniń málimetinshe, jınaqtalǵan qarjy Ulttyq bankte saqtalady. Elimizdiń bas bankimen qarjyny senimgerlik basqarý týraly kelisim bekitilgen. Túsken qarajat bolashaqta MÁMS paketi sheńberindegi qyzmetter aqysyn tóleýge jumsalady.